დმანისის მუნიციპალიტეტი
ოფიციალური ვებგვერდი
0360 22 24 64
ცხელი ხაზი
  • დმანისის სიონი
    დმანისის სიონი
  • დმანისის მუნიციპალიტეტის თვითმმართველობა
    დმანისის მუნიციპალიტეტის თვითმმართველობა
  • დმანისის ნაქალაქარის კონცხი.ხედი ჩრდილოეთიდან
    დმანისის ნაქალაქარის კონცხი.ხედი ჩრდილოეთიდან
2018-01-15

მიმდინარე წლის 14 იანვარს ა(აიპ) ,,დმანისის კულტურისა და ხელოვნების ცენტრის” საესტრადო სტუდია „მიქსი“ მაყურებლის წინაშე ცნობილი ქართული და უცხოური ჰიტებით წარსდგა და ერთი ლამაზი საღამო აჩუქა მათ.

ლამაზად მორთულ სცენაზე ერთმანეთს ენაცვლებოდნენ სხვადასხვა ასაკის შემსრულებლები, რომლებმაც ჟანრობრივი მრავალფეროვნებით მოიწონეს თავი. კონცერტში სტუდიის აღსაზრდელებთან ერთად მონაწილეობა მიიღო სტუდიის ხელმძღვანელმა მარიამ ქოჩორაძემ. 
საღამოს სიურპრიზების გარეშე არ ჩაუვლია. ახალი დუეტის პრემიერა შედგა, რამაც დარბაზის დიდი მოწონება დაიმსახურა

ვრცლად
2018-01-14

საქართველოს სახელმწიფო დროშის დღესთან დაკავშირებით, პარლამენტში საზეიმო მიღება გაიმართა, რომელსაც დმანისის მუნიციპალიტეტის მერი მერი - გიორგი ტატუაშვილი ესწრებოდა.

“საქართველოს დროშა ერთ-ერთი უძველესი დროშაა მთელს მსოფლიოში და წარმოადგენს არა ერთი სახელმწიფო წყობილების, ერთი ხელისუფლების ან ერთი პარტიის თუ პოლიტიკური ჯგუფის სიმბოლოს, არამედ, გამოხატავს მთლიანად ჩვენი სახელმწიფოს და საზოგადოების ისტორიულ გზას, იმ ღირებულებებს, რომლებსაც საუკუნეების განმავლობაში ეფუძნებოდა ჩვენი საზოგადოება და რაც აერთიანებდა მას საერთო ევროპულ ოჯახთან. ამ დროშას იცნობდნენ და იცნობენ მსოფლიოში და ღირს პატივს მიაგებენ მას”, - ამის შესახებ საქართველოს პარლამენტის თავმჯდომარემ, ირაკლი კობახიძემ საქართველოს სახელმწიფო დროშის დღესთან დაკავშირებით გამართულ საზეიმო მიღებაზე განაცხადა. 

ვრცლად
2018-01-14

არასამთავრობო ორგანიზაცია „დმანისელები“- ს ორგანიზებით 13 იანვარს ა(აიპ)კულტურისა და ხელოვნების ცენტრის საკონცერტო დარბაზში დმანისელი მაია კავლელაშვილის დასახმარებლად საქველმოქმედო კონცერტი გაიმართა.

არასამთავრობო ორგანიზაცია „დმანისელებმა“ მხარდაჭერისთვის მადლობა გადაუხადეს ადგილობრივი ხელისუფლების წარმომადგენლებს და დამსწრე საზოგადოებას.

საქველმოქმედო საღამოზე შეგროვილი თანხა გადაეცა მაია კავლელაშვილს მკურნალობის კურსის გასაგრძელებლად.

ვრცლად
2018-01-11

11 იანვარს დმანისის მუნიციპალიტეტის მერიის საკონფერენციო დარმაზში ,,ქვემო ქართლის რეგიონული განვითარების სააგენტოს’’ ორგანიზებით და დმანისის მუნიციპალიტეტის მერიის მხარდაჭერით, ადგილობრივ ფერმერებთან და მეწარმეებთან შეხვედრა გაიმართა.. შეხვედრა კომპანია "Ecotox"-ის და ,,GREENTOX’’-ის წარმომადგენლებმა გამართეს. 
შეხვედრაზე კომპანიის წარმომადგენლებმა ფერმერებს გააცნეს მათ მიერ წარმოებული პროდუქცია. კომპანია კომბინირებულ საკვებს აწარმოებს, რომელიც მეფრინველეობის, მეცხოველეობის და მეთევზეობის სექტორზეა გათვლილი. როგორც კომპანიის წარმომადგენლები აცხადებენ, მათ მიერ შეთავაზებული პროდუქცია საქართველოში სხვადასხვა მსხვილმა საწარმოებმა უკვე გამოიყენეს და დადებითი შედეგი სახეზეა. მათივე თქმით, შემოტანილი პროდუქცია არის ბუნებრივი, ძლიერი აბსორბენტი, 

ვრცლად
2018-01-09

სსიპ ვეტერანების საქმეთა სახელმწიფო სამსახურის ქვემო ქართლის სამმართველოს თანამშრომლებმა მოინახულეს სოციალურად დაუცველი ომის ვეტერანების: დავით ოგნაძის და გიორგი ჩხვიმიანის ოჯახები, მიულოცეს შობა-ახალი წელი და სასაჩუქრე-სასურსათო პაკეტები გადასცეს.

ვრცლად
2018-01-01

31 დეკემბერს დმანისის მუნიციპალიტეტში ა(აიპ) კულტურის და ხელოვნების ცენტრის ანსამბლებისა და სტუდიების მონაწილეობით გაიმართა საახალწლო კონცერტი.

დმანისელებს დამდეგი 2018 წელი სცენიდან მიულოცა დმანისის მუნიციპალიტეტის მერმა გიორგი ტატუაშვილმა და მამა გიორგიმ.
ლამაზად მორთულ სცენაზე ერთმანეთს ენაცვლებოდნენ ცეკვისა და სიმღერის სტუდიების წარმომადგენლები. 
საახალწლოდ შეკერილმა ტანისამოსმა მაყურებლის მოწონება დაიმსახურა. ღონისძიების დასასრულს კონცერტზე დამსწრე საზოგადოებას დახვდა ულამაზესი ფეიერვერკი, როგორც სცენაზე ასევე ღია ციშქვეშ.

ვრცლად
2017-12-31

ძვირფასო დმანისელებო,

გილოცავთ დამდეგ შობა-ახალ წელს, გისურვებთ ბედნიერებას, სიხარულს, ბარაქას, სითბოს და სიყვარულს!
ყოველი ადამიანი განსაკუთრებული მოლოდინით ხვდება ახალ წელს. მოლოდინით ცვლილებებისა უკეთესობისკენ, მოლოდინით, რომ დადგა სურვილების ასრულების და მიზნების განხორციელების დრო.
შობა და ახალი წელი - ეს ის დღეებია, როდესაც ყველა ივიწყებს დროებით დარდს, ტკივილს და თბილი გულით ხვდება ახალს. ახალი წელი ხომ ძველის დავიწყების და ახლის შემობრძანების სიმბოლოა.

უფალმა დაგლოცოთ და გაგაძლიეროთ!

კეთილი სურვილებით, სიყვარულით და პატივისცემით,

გიორგი ტატუაშვილი

დმანისის მუნიციპალიტეტის მერი

ვრცლად
2017-12-29

დღესასწაული, რომელიც პატარებს განსაკუთრებულად ახალისებს ახალი წელია. ორი კვირის განმავლობაში საახალწლო განწყობა იყო დმანისის ყველა საბავშვო ბაღში. აღსაზრდელებმა ახალი წლის ზეიმზე ლექსები, სიმღერები წარმოადგინეს და სხვადასხვა ზღაპრის გმირები განასახიერეს.

ყველა აღსაზრდელს თოვლის ბაბუამ საჩუქრები გადასცა. დღეიდან დმანისის ყველა საბავშვო ბაღში საშობაო არდადაგები დაიწყო, რომელიც 2018 წლის 15 აინვრამდე გაგრძელდება.

ვრცლად
2017-12-29

ა(აიპ) დმანისის სამუსიკო სკოლის სოფელ ვარდისუბნის ფილიალის საკონცერტო დარბაზში კონცერტი გაიმართა. ფილიალის აღსაზრდელები მრავალფეროვნი პროგრამით წარსდგნენ მაყურებლის წინაშე. კონცერტს ესწრებოდნენ დმანისის მუნიციპალიტეტის მერიის და საკრებულოს წარმომადგენლები. მონაწილე ბავშვებს, მშობლებს, პედაგოგებს წარმატება უსურვა და დამდეგი შობა-ახალი წელი მიულოცა განათლების, კულტურის, სპორტისა და ახალგაზრდობის საქმეთა სამსახურის უფროსმა ეკატერინე ოქრიაშვილმა.

ვრცლად
2017-12-28

დმანისის N1 საბავშვო ბაღში წინასაახალწლო ზეიმი ჩატარდა. ლამაზად მორთულ დარბაზში ერთმანეთს ცვლიდა სხვადასხვა მუსიკალური ნომერი, ცეკვა, ლექსები, მინიატურული სცენები, ზღაპირის გმირები. პატარებმა ჩვეული სიკეკლუცით აუდიტორიის მოწონება დაიმსახურეს და თოვლის ბაბუასაგან საჩუქრებიც მიიღეს. 

დამდეგი შობა-ახალი წელი პატარებს, პედაგოგებსა და დამსწრე საზოგადოებას მუნიციპალიტეტის ხელმძღვანელმა პირებმა მიულოცეს. 
საახალწლო ღონისძიებები მუნიციპალიტეტის ყველა ბაღების სტრუქტურულ ერთეულებში გაიმართება.

ვრცლად
2017-12-28

შეზღუდული შესაძლებლობის მქონე პირთა გადაწყვეტილების მიღების პროცესში ჩართულობის მნიშვნელობა, არსებული დაბრკოლებები, შესაძლებლობები და გამოწვევები - ამ თემების შესახებ იმსჯელეს დღეს ქვემო ქართლში სახელმწიფო რწმუნებულის-გუბერნატორის ადმინისტრაციაში გამართულ ტრენინგზე. 

შეხვედრას მხარის გუბერნატორის მოადგილე კახა კობერიძე მუნიციპალიტეტების წარმომადგენლებთან ერთად დაესწრო.

 

ადგილობრივი ხელისუფლებისა და არასამთავრობო სექტორის წევრებმა განსაკუთრებული საჭიროების მქონე პირთა საჭიროებებზე და საზოგადოებაში მათი ინტეგრაციის ხელშემწყობ ფაქტორებზე ისაუბრეს. 

ვრცლად
2017-12-28

სულ რამდენიმე დღე და ახალი წელი შემობრძანდება.
წელს განსაკუთრებულად ლამაზია ჩვენი მუნიციპალიტეტის ქუჩები და სკვერები, რომლებიც საახალწლოდ სხვადასხვა დეკორაციული სანათებითა და ილუმინაციებით მოირთო. 
მერიამ შეიძინა ახალი ნაძვის ხე, რომლის სიმაღლე 10 მეტრია.
ა(აიპ) კულტურის და ხელოვნების ცენტრში 31 დეკემბერს ღამის 12 საათზე ღონისძიებას დაასრულებს ,,ფეიერვერკი“ როგორც სცენაზე, ასევე ღია ცის ქვეშ.
დმანისის მუნიციპალიტეტის პირველ პირთებთან ერთად ახალი წლის მოსალოცად მოწვეული არიან სასულიერო პირებიც. 
გელოდებით ყველას ! 
ერთად შევხვდეთ ახალ 2018 წელს!

ვრცლად
2017-12-27

ფეხბურთში ქვემო ქართლის ჩემპიონატის ფინალური ეტაპის მონაწილე მეორე საპრიზო ადგილზე გასულ დმანისის მუნიციპალიტეტის ჭაბუკთა ფეხბურთის გუნდს და მათ მწვრთნელებს საწვრთნელ მოედანზე წარმატება მიულოცა მუნიციპალიტეტის მერის მოადგილემ არიფ სულეიმანოვმა და უსურვა სპორტული წარმატებები.

ვრცლად
2017-12-27

ზამთრის სეზონთან დაკავშირებით დმანისის მუნიციპალიტეტში მცხოვრები სოციალურად დაუცველი და მარტოხელა ოჯახების სათბობი შეშით მომარაგების პროცესი მიმდინარეობს.

დმანისის მუნიციპალიტეტის ჯანმრთელობისა და სოციალური დაცვის სამსახურის განმარტებით, აღნიშნული დახმარებით წელს 122 ოჯახი ისარგებლებს. თითოეული ოჯახი 2 კუბურ მეტრ შეშას მიიღებს.

ვრცლად
2017-12-26

ქალაქის მთავარი ნაძვის ხე საზეიმოდ აინთო, გამოვიდა სანახაობრივად ლამაზი და შთამბეჭდავი საღამო, რომელმაც ამაღლებული წინასაახალწლო განწყობა შექმნა მუნიციპალიტეტში.

მიხარია, რომ წელს ჩვენი ქალაქი განსაკუთრებულად ლამაზია, მადლობა ყველას, ვინც შრომა და მონდომება არ დაიშურა და შეეცადა გამხდარიყო დმანისი უფრო ლამაზი და განათებული - აღნიშნა დმანისის მუნიციპალიტეტის მერმა გიორგი ტატუაშვილმა.

ვრცლად
2017-12-26

ფეხბურთში ქვემო ქართლის ჩემპიონატის ფინალური ეტაპი გაიმართა. ერთმანეთს რუსთავისა და დმანისის გუნდები დაუპირისპირდნენ.

ჩემპიონატი რომელიც 2004-2005 წლებში დაბადებულებს შორის მიმდინარეობდა 2 თვეა დაიწყო და სულ 14 მატჩი გაიმრთა.

ჩემპიონატში ქვემო ქართლის შვიდივე მუნიციპალიტეტის გუნდმა მიიღო მონაწილეობა. დღევანდელი შეხვედრა რუსთავის გამარჯვებით დასრულდა.

საპრიზო ადგილის მფლობელები თასებით, მედლებით და სიგელებით დაჯილდოვდნენ.

 

 

ვრცლად
2017-12-26

დმანისის მუნიციპალიტეტის მერი გიორგი ტატუაშვილი ქვემო ქართლში სახელმწიფო რწმუნებული-გუბერნატორის ადმინისტრაციაში საკონსულტაციო საბჭოს წლის შემაჯამებელ სხდომას დაესწრო

26 დეკემბერს ქვემო ქართლში სახელმწიფო რწმუნებულ-გუბერნატორის ადმინისტრაციაში საკონსულტაციო საბჭოს მორიგი, წლის შემაჯამებელი, სხდომა გაიმართა, რომელსაც ტრადიციულად მხარის გუბერნატორი, გრიგოლ ნემსაძე უძღვებოდა.

საბჭოს წევრებმა დღის წესრიგით გათვალისწინებული საკითხები განიხილეს და მუნიციპალიტეტებში მომავალ წელს განსახორციელებლი ინფასტრუქტურული პროექტების შესახებ იმსჯელეს.

ვრცლად
2017-12-26

ა(აიპ) ,,სამუსიკო სკოლამ " 2017-2018 სასწავლო წლის პირველი ნახევრის საანგარიშო ღონისძიება მიმდინარე წლის 26 დეკემბერს ა(აიპ) ,,სამუსიკო სკოლის დარბაზში ჩაატარა.

ღონისძიებას ესწრებოდნენ ადგილობრივი თვითმმართველობის წარმომადგენლები, პედაგოგები და მშობლები. შესრულდა სხვადასხვა კომპოზიტორების ნაწარმოებები. მსმენელს შესთავაზეს როიალთან შესრულებული ქართული სიმღერები.

ღონისძიებამ თბილ და მყუდრო გარემოში ჩაიარა. დასასრულს პედაგოგებმა და ბავშვებმა წინასწარ მიულოცეს ახალი წელი და კეთილი სურვილებით დაემშვიდობნენ დამსწრე საზოგადოებას.

ვრცლად
2017-12-26

მიმდინარე წლის 26 დეკემბერს სოფელ ჯავახის და ქალაქ დმანისის N2 საბავშვო ბაღებში წინასაახალწლო ზეიმი გაიმართა. ღონისძიებას ესწრებოდნენ დმანისის მუნიციპალიტეტის თვითმმართველობის თანამშრომლები, სკოლამდელი აღზრდის სამსახურის ხელმძღვანელები და აღსაზრდელების მშობლები.

პატარებს დამდეგი ახალი წელი ტკბილეულით მიულოცა თოვლის ბაბუამ. ბავშვების მიერ წარმოთქმული ლექსები, სიმღერები, ცეკვები და ხალისიანი განწყობა დიდხანს ემახსოვრება ზეიმზე მყოფ საზოგადოებას.

ვრცლად
2017-12-25

მიმდინარე წლის 23-24 დეკემბერს თბილისში, სასტუმრო ,,იოტა“-ში საქართველოს პარლამენტის იურიდიულ საკითხთა კომიტეტის ორგანიზებით, მუნიციპალიტეტების წარმომადგენლებთან რეგიონალური შეხვედრა გაიმართა. შეხვედრის თემას წარმოადგენდა  2016 წელს საქართველოს პარლამენტის მიერ მიღებული  ,,ადრეული და სკოლამდელი აღზრდისა და განათლების შესახებ“ კანონის მუნიციპალიტეტებში განხორციელების ხელშეწყობა. კანონით განისაზღვრა სკოლამდელი დაწესებულებებისათვის სავალდებულო ეროვნული სტანდარტები და რეგლამენტები, რომელთაგან 4 საქართველოს მთავრობამ 2017 წლის 27 ოქტომბერს  დაამტკიცა. ადგილობრივ დონეზე სკოლამდელ მომსახურებაზე, მართვაზე, დაფინანსებასა და მონიტორინგზე პასუხისმგებელნი კანონის თანახმად მუნიციპალიტეტები არიან.

ვრცლად
 

2018 იანვარი
ორშსამოთხხუთპარშბკვ
1234567
891011121314
15161718192021
22232425262728
293031
 
სიახლეები