World Vision Georgia beynəlxalq təşkilatı Droni gənclər assosiasiyası və Almaniyanın Şərq-Qərb-Şərq təşkilatı və hədəf bələdiyyələrin merləri ilə birlikdə gənclər şuralarına dəstək layihəsi - "Gənclərin potensialının təşviqi" həyata keçirir.

2-5 sentyabr tarixlərində daha bir işçi görüş keçirilib, görüş çərçivəsində 10 bələdiyyədə fəaliyyət göstərən gənclər şuralarının üzvləri və fəal gənclər gənclərin fəaliyyəti haqqında daha ətraflı məlumat əldə ediblər.

Həmçinin gənclər, gənclər şuralarının qarşısında duran vəzifələr və əldə olunan nəticələri müzakirə ediblər.

Qeyd edək ki, layihə çərçivəsində gənclərin inkişafı ilə bağlı bir sıra tədbirlər, o cümlədən Almaniyaya təlim səfəri nəzərdə tutulub.