Dmanisi Bələdiyyəsinin yaşayış məntəqələrində Gürcüstanın regionlarında həyata keçiriləcək layihələrin fondundan “Kəndlərə Dəstək Proqramı” çərçivəsində maliyyələşdiriləcək layihələrin seçilməsi məqsədilə əhali ilə məsləhət görüşlərinə başlanılıb.

İlk müşavirə görüşləri yanvarın 26-da Sarkineti və Qomareti inzibati ərazi vahidlərinə daxil olan kəndlərdə, bu gün isə Yuxarı Karabulax inzibati vahidində keçirilib.

İclaslarda bələdiyyə sədri Koba Muradaşvili, mer müavinləri: Kaxa Petriaşvili və Temuri Zurabişvili,Arif Süleymanov, şəhər şura sədri Paara Kuliaşvili,bələdiyyə sədrinin inzibati ərazi vahidləri üzrə nümayəndələri və Şəhər Şurasının üzvləri iştirak ediblər. Əhali ilə birlikdə proqram çərçivəsində həyata keçiriləcək əsas prioritetlərdən danışıblar.

Ümumi yığıncaqlarda əhalinin təqdim etdiyi layihə təkliflərindən hər bir qəsəbədə səs çoxluğu ilə aşağıdakı prioritetlər müəyyən edilib: işıqlandırma sisteminin təşkili, yolların bərpası, içməli su probleminin həlli və kənd mərkəzində əhalinin toplaşdığı yerlərin təşkili.

“Görüşlərin əhalinin fəallığı fonunda keçirilməsi, vətəndaşların kənd üçün vacib məsələlərin həllində fəal iştirak etməsi xoşdur.

2023-cü ildə Dmanisi bələdiyyəsində kəndə dəstək proqramı çərçivəsində Gürcüstanın regionlarında həyata keçiriləcək layihələrin fondundan 686 000 lari xərclənəcək. Məsləhətləşmə görüşləri yanvarın 26-dan fevralın 8-dək keçiriləcək. Əhali səs çoxluğu ilə hər bir qəsəbəyə ayrılan pulun nəyə xərclənəcəyinə qərar verəcək və seçilmiş layihələr təsdiq üçün Dmanisi Bələdiyyə Şurasına təqdim olunacaq”, - Dmanisi Bələdiyyəsinin meri Koba Muradaşvili bildirib.