Ədliyyə Nazirliyinin Milli Dövlət Reyestri Agentliyi Dmanisi Bələdiyyəsində torpaqların sistemli qeydiyyatı ilə bağlı islahatlara başlayıb. Agentliyin nümayəndələri Dmanisdə məlumat toplantısı keçirərək, bələdiyyənin meri Koba Muradaşviliyə, mer müavinlərinə və bələdiyyə sədrinin nümayəndələrinə torpaqların sistemli qeydiyyatı prosesi barədə ətraflı məlumat veriblər.
Görüşdə tərəflər torpaqların sistemli qeydiyyatı ilə bağlı həyata keçirilən və planlaşdırılan tədbirləri müzakirə ediblər. İslahat çərçivəsində Dmanisi bələdiyyəsinin bütün kəndləri ölçüləcək. Torpaqların sistemli qeydiyyatı bütün Gürcüstanda, ölkənin 59 bələdiyyəsində (özünü idarə edən şəhərlər və işğal olunmuş ərazilər istisna olmaqla) aparılır.
Milli Dövlət Reyestri Agentliyi 2022-2024-cü illərdə plan-qrafikə uyğun olaraq özəl, dövlət və ya bələdiyyə mülkiyyətində olan torpaq sahələrinin ölçülməsini və qeydiyyatını həyata keçirəcək. Layihədən istifadə tamamilə pulsuzdur.
Vahid dəqiq kadastr və hüquqi şəkil (xəritə) yaradılacaq. Daşınmaz əmlak bazarı da inkişaf edəcək. Konkret inzibati vahidlərdə kadastr planlaşdırılması/ölçüm işlərinin başlanması qrafiki ilə aşağıdakı linkdən tanış olmaq olar:
