Dövlət nümayəndəsi Giorgi Doxturişvili Gürcüstanın regional inkişaf və infrastruktur nazirinin birinci müavini İliya Beqiaşvili və Dmanisi bələdiyyəsinin meri Koba Muradaşvili ilə birlikdə yol infrastrukturu layihələrinə baş çəkib.

Layihə çərçivəsində Huseinkəndi, Məmişləri, birinci və ikinci Salamaleyiki kəndlərinin giriş-çıxış yolunun tam bərpası başa çatdırılıb. Yollar tam bərpa olunduqdan sonra bələdiyyənin yol infrastrukturu xeyli yaxşılaşacaq və əhalinin rahat hərəkəti təmin ediləcək.

Sözü gedən yol infrastrukturu layihəsi həm yerli, həm də mərkəzi büdcədən maliyyələşir və onun ümumi dəyəri 2 139 586 lari təşkil edir.

Dövlət nümayəndəsi ilə birlikdə onun müavini, İlya Calağania və yerli hökumətin digər nümayəndələri layihələrə baş çəkiblər.

Kvemo Kartli regionunda müxtəlif infrastruktur layihələri fəal şəkildə həyata keçirilir.