Çalka bələdiyyəsində yüksək dağlıq yaşayış məntəqələrinin inkişafı üzrə 2024-2030-cu illər strategiyası və onun 2024-2026-cı illər üçün fəaliyyət planının hazırlanması ilə bağlı ictimai müzakirə və diskusiya tipli görüş keçirilib. 

Sənədin əlaqələndirici qurumu Gürcüstanın Regional İnkişaf və İnfrastruktur Nazirliyidir. Strategiya təsdiq edilməzdən əvvəl onların ictimaiyyətdə müzakirəsi, habelə yerli hakimiyyət orqanlarının və sakinlərin rəylərini dinləmək məcburidir.

İclasda Kvemo Kartli üzrə dövlət nümayəndəsinim müavini Kaxa Koberidze, Bolnisi bələdiyyəsinin meri Davit Şerazadaşvili, Çalka bələdiyyəsinin meri İlia Sabadze, Qardabani, Marneuli, Tetriçkaro, Dmanisi bələdiyyələrinin mer müavinləri, özəl sektorun nümayəndələri, yerli sakinlər iştirak edirdilər.

Regional İnkişaf və İnfrastruktur Nazirliyinin Regional inkişaf və dağların inkişafı şöbəsinin müdiri Giorgi Dididze sözü gedən strategiya ilə bağlı təqdimatla çıxış edib. 

İctimai məsləhətləşmələr zamanı strategiyanın məqsədləri, vəzifələri, strategiya və fəaliyyət planı layihələri çərçivəsində müəyyən edilmiş bu məqsədlərə uyğun olaraq müəyyən edilmiş fəaliyyət istiqamətləri müzakirə olunub.