Dmanisi bələdiyyəsinin meri Koba Muradaşvili müavinləri və şəhər şurasının sədri ilə birlikdə Yuxarı Orozman kəndində yeni idman meydançasının açılışını edib.

Koba Muradaşvilinin sözlərinə görə, süni örtüklü idman meydançasının tikintisi yerli büdcə hesabına maliyyələşdirilib. Ətrafda meydanın abadlaşdırılması işləri davam etdirilir. Bu cür layihələr həm turizm infrastrukturunun inkişafı, həm də gənclər arasında sağlam həyat tərzinin təbliği baxımından mühüm əhəmiyyət kəsb edir.

Tədbir çərçivəsində Orozman kəndində yaşayan uşaqlara simvolik olaraq futbol topları hədiyyə edilib.