Cari ilin 5 iyun tarixindən etibarən Dmanisi Bələdiyyəsi Bolnisi şəhərində yerləşən “Böyüklər üçün Təhsil Tədris Mərkəzi”ndə qadınların sosial-iqtisadi imkanlarının genişləndirilməsi alt proqramı çərçivəsində, 15 qadını sahibkarlıq bacarıqları və gender problemləri üzrə maarifləndirməni artırma məqsədilə maliyyələşdirəcək.

“Proqram ötən il Dmanisi Bələdiyyəsi meriyası ilə Qafqaz Ekoloji Qeyri-Hökumət Təşkilatları Şəbəkəsi CENN arasında imzalanmış anlaşma memorandumuna uyğun olaraq hazırlanıb. Proqramın mühüm fəaliyyət istiqamətlərindən biri qadınların formal və qeyri-rəsmi kurslara qəbulunun təşviqi və onların təhsillərinin davam etdirilməsidir ki, bu proqram çərçivəsində daxil olan müraciətlər öyrənilib və 15 qadın istədikləri ixtisasartırma kurslarına maliyyələşdiriləcək. ”Böyüklər üçün Təhsil Tədris Mərkəzi" Bolnisidə yerləşir. Təlim prosesi zamanı və başa çatdıqdan sonra müvafiq sertifikatlar veriləcək", - Meriyanın Səhiyyə, Sosial və Uşaq Hüquqlarının Müdafiəsi və Dəstək Xidmətinin rəhbəri Meqi Ediberidze bildirib.