დმანისში, ღია ცის ქვეშ, დავით ალადაშვილის და მაგთის მუსიკალური პროექტის „პიანინო“-ს ფარგლებში კონცერტი გაიმართა
კლასიკური მუსიკის პოპულარიზაციის მიზნით, ჯულიარდის კონსერვატორიის კურსდამთავრებულის, ცნობილი ახალგაზრდა პიანისტის დავით ალადაშვილის და “მაგთის“ მუსიკალური პროექტის ფარგლებში კონცერტები საქართველოს სხვადასხვა ქალაქში გაიმართება. 30 აგვისტოს დმანისის მუნიციპალიტეტში, ღია ცის ქვეშ, დავით ალადაშვილმა მსმენელს ცნობილი კლასიკური მუსიკის შემსრულებლების ნაწარმოებები შესთავაზა.
ეს იყო დიდი ზომის წითელი მოძრავი მანქანა, რომელიც წინასწარ შერჩეულ ადგილზე ტრანსფორმირდა სცენად და ღია ცის ქვეშ ყველა დაინტერესებულ მსმენელთან მიიტანა კლასიკური მუსიკა.
"პროექტის მთავარი მიზანია ჩვენი საზოგადოების ფართო მასებს, საქართველოს ყველა რეგიონში მივაწვდინოთ ცოცხალი, კლასიკური მუსიკის ხმა" - აღნიშნეს ორგანიზატორებმა. კონცერტის დასრულების შემდეგ ბავშვებს საჩუქრად სამახსოვრო მაისურები გადაეცათ.