სასწავლო პროცესი 16 სექტემბერს დმანისის მუნიციპალიტეტის 27 საჯარო სკოლაში განახლდა
სასწავლო პროცესი 16 სექტემბერს დმანისის მუნიციპალიტეტის 27 საჯარო სკოლაში განახლდა.
დმანისის მუნიციპალიტეტის მერი - გიორგი ტატუაშვილი, საგანმანათლებლო რესურსცენტრის ხელმძღვანელთან ერთად სოფელ განთიადის საჯარო სკოლაში იმყოფებოდა, საიდანაც თითოეულ პატარას, მათ მშობლებსა და პედაგოგებს ახალი სასწავლო წლის დაწყება მიულოცა.
სოფელ განთიადის საჯარო სკოლის დირექციამ წარჩინებულ მოსწავლეებს, მოტივაციის ამაღლების მიზნით საზეიმო ვითარებაში სიგელები გადასცა.
აღსანიშნავია, რომ სკოლაში დამონტაჟდა ცენტრალური გათბობის სისტემა, რომელიც აღნიშნულ დაწესებულებაში აქამდე არ არსებობდა.
მუნიციპალიტეტის ყველა სკოლის დირექციამ საზეიმო ღონისძიებით მიულოცა მოსწავლეებს ახალი სასწავლო წლის დაწყება, ისაუბრეს გასული წლის შედეგებზე და სამომავლო გეგმებზე.
დმანისის მუნიციპალიტეტში 230 პირველკლასელი დარეგისტრირდა. პირველკლასელებს ახალ სახელმძღვანელოებთან ერთად პორტატული კომპიუტერებიც გადაეცათ.
ბუკებში ჩატვირთულია სასწავლო პროგრამები და თამაშები, რაც ხელს შეუწყობს პატარებს უკეთ აითვისონ სასწავლო მასალა და ისწავლონ ხალისით.