ახალი ამბულატორია სოფელ ამამლოში უახლოეს მომავალში გაიხსნება

დმანისის მუნიციპალიტეტის მერმა, გიორგი ტატუაშვილმა, ინფრასტრუქტურული პროექტების მონიტორინგის ფარგლებში, დმანისის მუნიციპალიტეტის სოფელ ამამლოში, ახალი ამბულატორიის მშენებლობის პროცესი პირადად შეაფასა.

პროექტის ღირებულება 91077 ლარს შეადგენს, სამუშაოებს შპს „კომპლექს კონსტრაქშენი“ ახორციელებს .

ამბულატორიულ ცენტრში პაციენტები შეუფერხებლად შეძლებენ სამედიცინო მომსახურების მიღებას, მათ შორის ოჯახის ექიმის კონსულტაციას.

აღსანიშნავია, რომ წლის ბოლომდე ახალი ამბოლატორია მოეწყობა სოფელ გუგუთში, ხოლო გომარეთში არსებულს ამბოლატორიას რეაბილიტაცია ჩაუტარდება . ბიუჯეტიდან ამბოლატორიების მოსაწყობად წელს ჯამში 210 136 ლარი დაიხარჯება.