მერიაში სამოქალაქო მრჩეველთა საბჭოს მორიგი სხდომა გაიმართა
დღეს, დმანისის მუნიციპალიტეტის მერიაში სამოქალაქო მრჩეველთა საბჭოს მორიგი სხდომა გაიმართა.
სხდომას დმანისის მუნიციპალიტეტის მერი გიორგი ტატუაშვილი, მოადგილესთან - ბადრი სუბართან, ადმინისტრაციული სამსახურის ხელმძღვანელთან - პაატა ყულიაშვილთან და საფინანსო საბიუჯეტო სამსახურის ხელმძღვანელთან - თემური ტატულაშვილთან ერთად ესწრებოდა.
სხდომა კითხვა პასუხის რეჟიმში წარიმართა სადაც განიხილეს 2020 წლის ბიუჯეტის პროექტი.
მერის მრჩეველთა საბჭო დმანისის მუნიციპალიტეტში მცხოვრები, სხვადასხვა ასაკისა და პროფესიის 10 ადამიანის შემადგენლობით (ხუთი კაცი, ხუთი ქალი) არის დაკომპლექტებული.
საბჭოს საქმიანობის მიზანია ადგილობრივი თვითმმართველობის განხორციელებაში მოქალაქეთა მონაწილეობის ხელშეწყობა, მერსა და მოსახლეობას შორის მჭიდრო ურთიერთობის უზრუნველყოფა, მოქალაქეთა ინტერესების წარმოდგენა და დაცვა მერის საქმიანობაში.
მერის სათათბირო ორგანო - სამოქალაქო მრჩეველთა საბჭო საქართველოს ორგანული კანონის ,,ადგილობრივი თვითმმართველობის კოდექსის“ მოთხოვნათა შესაბამისად მერის უფლებამოსილების ვადით შეიქმნა.