საესტრადო სტუდიამ „მიქსი“ დმანისელებს ლამაზი საღამო აჩუქა

მიმდინარე წლის 14 იანვარს ა(აიპ) ,,დმანისის კულტურისა და ხელოვნების ცენტრის” საესტრადო სტუდია „მიქსი“ მაყურებლის წინაშე, 1930-1940-1950-1960-1970-1980-1990- იანი წლების ცნობილი ქართული და უცხოური ჰიტებით წარსდგა და ერთი ლამაზი საღამო აჩუქა მათ.

კონცერტი დატვირთული იყო შოუს ელემენტებით. ლამაზად მორთულ სცენაზე ერთმანეთს ენაცვლებოდნენ სხვადასხვა ასაკის შემსრულებლები, რომლებმაც ჟანრობრივი მრავალფეროვნებით მოიწონეს თავი. კონცერტში სტუდიის აღსაზრდელებთან ერთად მონაწილეობა მიიღო სტუდიის ხელმძღვანელმა მარიამ ქოჩორაძემ.

საღამოს სიურპრიზების გარეშე არ ჩაუვლია. ახალი დუეტის პრემიერა შედგა, რამაც დარბაზის დიდი მოწონება დაიმსახურა.