დმანისის მუნიციპალიტეტის მერმა კობა მურადაშვილმა სამუშაო შეხვედრა გამართა
დღეს, დმანისის მუნიციპალიტეტის მერმა, კობა მურადაშვილმა სამუშაო შეხვედრა გამართა იგპ ქალთა ასოციაცია “თანხმობა" - ს წარმომადგენლებთან მარინა ფოჩხუასა და თამარ ინალიშვილთან და პროექტის ”მხარდაჭერის სახლი” - ს დმანისის ფილიალის მენეჯერთან ეკატერინე ოქრიაშვილთან.
შეხვედრას ესწრებოდნენ მერის წარმომადგენლები ადმინისტრაციულ ერთეულებში.
სამუშაო შეხვედრაზე დეტალურად განიხილეს მიმდინარე პროექტები, რომლებიც მიზნად ისახავენ ხანდაზმულთა ხელმისაწვდომობის ზრდას შინმოვლისა და ჯანსაღი დაბერების მომსახურებებზე და დღის ცენტრის ბაზაზე სამომავლოდ ისეთი შესაძლებლობების შექმნას, რომლებიც გააფართოებს სამუშაო არეალს, მოხდება მეტი სოფლის ხანდაზმულების ჩართვა, რაც მნიშვნელოვნად უკეთესობისკენ შეცვლის ხანდაზმულთა ცხოვრებას.
აღნიშნულ პროგრამაში ჩართვის მსურველებმა, (ასაკობრივი ზღვარი 70+) მიმართეთ დმანისის მუნიციპალიტეტის მერიის ჯანმრთელობისა და სოციალური დაცვის სამსახურის უფროსს ქალბატონ მეგი ედიბერიძეს.