4 აპრილი, 2022
იმპორტირებული სიახლეებიკახა პეტრიაშვილი მიკრო და მცირე მეწარმეობის ხელშეწყობის მიზნით საინფორმაციო შეხვედრას დაესწრო
კახა პეტრიაშვილი მიკრო და მცირე მეწარმეობის ხელშეწყობის მიზნით საინფორმაციო შეხვედრას დაესწრო
04 აპრ 2022
დმანისის მუნიციპალიტეტის მერის პირველი მოადგილე, კახა პეტრიაშვილი მიკრო და მცირე მეწარმეობის ხელშეწყობის მიზნით საინფორმაციო შეხვედრას დაესწრო. პროექტის შესახებ ინფორმაცია ადგილობრივ მეწარმეებს საქართველოს სტრატეგიისა და განვითარების ცენტრის (GCSD) ადმინისტრაციულ-ფინანსურმა დირექტორმა ქეთევან იმერლიშვილმა გააცნო და მათ შეკითხვებსაც უპასუხა.
პროგრამის ფარგლებში 300-ზე მეტი ეკონომიკური საქმიანობის დაფინანსებაა შესაძლებელი. მონაწილეობისთვის ბიზნესიდეების მიღება 21 მარტს დაიწყო და სამი კვირის განმავლობაში გაგრძელდება.
პროგრამა მიზნად ისახავს მიკრო და მცირე ბიზნესის განვითარებას, თანამედროვე სამეწარმეო კულტურის დამკვიდრებასა და ახალი სამუშაო ადგილების შექმნას. საინფორმაციო შეხვედრას თვითმმართველობის წარმომადგენლები, ადგილობრივი მეწარმეები და დაინტერესებული პირები ესწრებოდნენ.