დმანისის მუნიციპალიტეტის მერმა, კობა მურადაშვილმა და საკრებულოს თავმჯდომარემ, პაატა ყულიაშვილმა, საქართველოს წითელი ჯვრის მხარდაჭერით, უკრაინიდან შემოსულ 5 ოჯახს დახმარება გაუწიეს.

ამანათები სასურსათო პროდუქტებს, ბავშვებისთვის მედიკამენტებსა და ჰიგიენურ ნივთებს მოიცავს.

აღსანიშნავია, რომ აღნიშნულ ოჯახებს, დმანისის მუნიციპალიტეტის მერის, კობა მურადაშვილის ინიციატივით ერთჯერადად ფულადი დახმარება გადაეცათ, ასევე მერის რეკომენდაციით, ქალაქ დმანისში, მიმდინარე პროექტების სამუშაოებზე დასაქმდა უკრაინიდან შემოსული ერთი ოჯახი.