საბავშვო ბაღის პედაგოგებსა და აღსაზრდელებს ახალი სასწავლო წლის დაწყება მიულოცეს

საბავშვო ბაღის პედაგოგებსა და აღსაზრდელებს ახალი სასწავლო წლის დაწყება დმანისის მუნიციპალიტეტის მერმა, კობა მურადაშვილმა, საკრებულოს თავმჯდომარემ, პაატა ყულიაშვილმა ასევე მერის მოადგილეებმა კახა პეტრიაშვილმა და თემური ზურაბიშვილმა, ქალაქ დმანისის პირველი და სოფელ სარკინეთის ახლად რეაბილიტირებული ბაღიდან მიულოცეს. ბავშვებს არაჩვეულებრივი გარემო დახვდათ. სარკინეთის სააღმზრდელო დაწესებულებას სრული რეაბილიტაცია ჩაუტარდა, რომლის ფარგლებშიც შეიცვალა შიდა კომუნიკაციები, კარ-ფანჯრები, დამონტაჟდა ცენტრალური გათბობა და შენობა აღიჭურვა ყველა საჭირო ინვენტარით. ასევე, მოპირკეთდა ეზო და დაიდგა ახალი ატრაქციონები. დმანისის მუნიციპალიტეტის მერიას საბავშვო ბაღების განვითარების კუთხით მრავალი საინტერესო გეგმა და პროექტი აქვს.