დმანისში მთავარი სადღესასწაულო ღონისძიება გრანდიოზული ფოიერვერკით დასრულდა.

ღონისძიებების ფარგლებში “ახალი წლის დღეები საქართველოში”, დმანისის მუნიციპალიტეტში მოეწყო საშობაო ბაზრობები, გამოფენა-გაყიდვები, საბავშვო გასართობი სივრცეები. განთავსდა ხის საახალწლო სახლები, ფოტოგადაღების სტენდები და ინსტალაციები.

მაყურებლის წინაშე წარსდგნენ როგორც ადგილობრივი, ასევე მოწვეული შემსრულებლები: ზუკა ხუციშვილი, ნატო გელაშვილი და ძმები ჭოხონელიძეები.

საახალწლო ღონისძიებაზე მოქალაქეებს დმანისის მუნიციპალიტეტის მერმა - კობა მურადაშვილმა მიმართა, მათ დამდეგი შობა-ახალი წელი მიულოცა და საქართველოს პრემიერ-მინისტრს დმანისში გამართული ღონისძიებისთვის მადლობა გადაუხადა.