საესტრადო სტუდიამ ,,მიქსი“ კონცერტი გამართა

დღეს, დმანისის მუნიციპალიტეტის მერი, კობა მურადაშილი, თვითმმართველობის წარმომადგენლებთან ერთად საესტრადო სტუდია ,,მიქსი“- ის მიერ გამართულ კონცერტს დაესწრო. მიმდინარე წლის 13 იანვარს ა(აიპ) ,,დმანისის კულტურისა და ხელოვნების ცენტრის” საესტრადო სტუდია „მიქსი“ მაყურებლის წინაშე ცნობილი ქართული და უცხოური საახალწლო ჰიტებით წარსდგა და ერთი ლამაზი საღამო აჩუქა მათ. ლამაზად მორთულ სცენაზე ერთმანეთს ენაცვლებოდნენ სხვადასხვა ასაკის შემსრულებლები, რომლებმაც ჟანრობრივი მრავალფეროვნებით მოიწონეს თავი.