დმანისის მუნიციპალიტეტში სოფლის მხარდაჭერის პროგრამის ფარგლებში, მოსახლეობასთან შეხვედრები აქტიურად მიმდინარეობს.

შეხვედრებს დმანისის მუნიციპალიტეტის მერი, კობა მურადაშვილი, მოადგილეებთან და საკრებულოს თავმჯდომარესთან, პაატა ყულიაშვილთან ერთად ესწრებოდა.

სოფლის საერთო კრებებზე , განიხილავენ მოსახლეობისათვის პრიორიტეტულ საკითხებს ,რომლებიც სოფლის მხარდაჭერის პროგრამის ფარგლებში დაფინანსდება.

სოფლის მხარდაჭერის პროგრამის ფარგლებში, შემდეგი პრიორიტეტები გამოიკვეთა:

 ბოსლებში გარე განათებისა და საზოგადოებრივი სველი წერტილის მშენებლობა;

ვარდისუბანში სოფლის ცენტრში არსებული სკვერის შემოღობვა;

დიდ დმანისში საზოგადოებრივი სველი წერტილის მშენებლობა;

პატარა დმანისში სოფლის შიდა გზების მოხრეშვა;

მაშავერა - უკანგორას გაერთიანებული პროექტი

სოფელ მაშავერაში არსებული ბუნებრივ საფარიანი სტადიონის შემოღობვა რეაბილიტაცია;

რეგიონული განვითარების და ინფრასტრუქტურის სამინისტროს მიერ დაფინანსებული პროგრამა, მუნიციპალიტეტის ყველა სოფელს აძლევს შესაძლებლობას, მოსახლეობა, ადგილობრივი ხელისუფლების წარმომადგენლებთან ერთად შეთანხმდეს სოფელში განსახორციელებელ პროექტებზე.