დმანისის მუნიციპალიტეტის თვითმმართველობა გმობს ყოველგვარ ძალადობას

25 ნოემბერს ცივილიზებულმა მსოფლიომ გაეროს ინიციატივით დაარსებული ქალთა მიმართ ძალადობის აღმოფხვრის საერთაშორისო დღე აღნიშნა. დმანისის მუნიციპალიტეტი შეუერთდა 16 დღიან კამპანიას გენდერული ძალადობის წინააღმდეგ.

ქეთევან მარტიაშვილი - ,,ქალთა ოთახის" ხელმძღვანელი

- გენდერული ძალადობის წინააღმდეგ 16-დღიანი კამპანია 1991 წლიდან მთელ მსოფლიოში აღინიშნება. კამპანია მიზნად ისახავს ქალთა მიმართ ძალადობის საკითხებზე საზოგადოებრივი ცნობიერების ამაღლებასა და ქალთა უფლებების ირგვლივ სამოქალაქო კონსოლიდაციის გაძლიერებას. დმანისის მუნიციპალიტეტი შეუერთდა16 დღიან კამპანიას ძალადობის წინააღმდეგ, გაიმართა  ვიზუალური აგიტაცია, ამ აქციის საშუალებით ვგმობთ ყოველგვარ ძალადობას.

აქციის მხარდამჭერები იყვნენ: დმანისის მუნიციპალიტეტის თვითმმართველობა და  დმანისის ახალგაზრდული ცენტრის წევრები, ,,ტოლერანტობის, სამოქალაქო ცნობიერების და ინტეგრაციის მხარდაჭერის პროგრამა (PITA) - ს ფარგლებში, რომელსაც ახორიცელებს საქართველოს გაეროს ასოციაცია (UNAG), ამერიკის საერთაშორისო განვითარების სააგენტოს (USAID) ფინანსური მხარდაჭერით.