დმანისში, მერიის მხარდაჭერით უანგარო დონორთა აქცია გაიმართა

გაიღე სისხლი, გაუზიარე სიცოცხლე სხვას!” დმანისში, მერიის მხარდაჭერით უანგარო დონორთა აქცია გაიმართა. აქციაში მონაწილეობა მერიის თანამშრომლებმა, საკრებულოს წევრებმა, დმანისის საგანმანათლებლო რესურსცენტრმა და ააიპ დმანისის ომარ მუმლაძის სახელობის სპორტულ სკოლამ მიიღო. აქცია დმანისის მუნიციპალიტეტის მერიის ჯანმრთელობისა და სოციალური დაცვის სამსახურის მხარდაჭერით შპს "სისხლის გადასხმის საქალაქო სადგურის" (სისხლის ბანკი) მიერ განხორციელდა, რომელიც საქართველოში ერთ-ერთი წამყვანი სისხლის ბანკია, სადაც დონორული სისხლისგან სისხლის კომპონენტები მზადდება და მარაგდება კლინიკები.