დმანისის მუნიციპალიტეტში სამხარეო ადმინისტრაციის მხარდაჭერით მორიგი უფასო სამედიცინო აქცია ჩატარდა

მიმდინარე წლის 18 დეკემბერს სამხარეო ადმინისტრაციის მხარდაჭერით და დმანისის მუნიციპალიტეტის გამგეობის ჯანმრთელობისა და სოციალური დაცვის სამსახურის ორგანიზებით, მოსახლეობას უფასო სამედიცინო გამოკვლევები ჩაუტარდა.
უფასო სამედიცინო აქცია ქალაქ დმანისის N3 საჯარო სკოლის შენობაში, „კლინიკა ვაკეში“ – მ გამართა.
აქციის ფარგლებში 12 საათიდან მთელი დღის განმავლობაში, უფასო კონსულტაციებს და კვლევებს ატარებდნენ შემდეგი მიმართულების სპეციალისტები: გინეკოლოგი, კარდიოლოგი, (კარდიოგრაფიის აპარატით), ენდოკრინოლოგი, თერაპევტი, უროლოგი, ყბა-სახის ქირურგი, ტრავმატოლოგი და კოსმეტოლოგი. ჩატარდა ასევე ლაბორატორიული კვლევები. 
დმანისის მუნიციპალიტეტის საკრებულოს თავმჯდომარე ლერი ბერუაშვილი, გამგებლის მოადგილეები ზაზა გოშუანი და არიფ სულეიმანოვი, ასევ ეჯანმრთელობისა და სოციალური დაცვის სამსახურის უფროსი მეგი ედიბერიძე აქციის მიმდინარეობას ადგილზე გაეცნენ და მედიკოსებსა და პაციენტებს გაესაუბნენ.
ქვემო ქართლში სახელმწიფო რწმუნებულ-გუბერნატორის მხარდაჭერით აღნიშნული აქციით სარგებლობას ეტაპობრივად რეგიონის ყველა მუნიციპალიტეტის მოსახლეობა შეძლებს.