დედამიწის დღესთან დაკავშირებით, დმანისის მუნიციპალიტეტში დასუფთავების აქცია გაიმართა

აქციაში საკრებულოს წევრები, მერიისა და ა(ა)იპ - იების თანამშრომლები, სკოლის მოსწავლეები, პედაგოგები და დმანისის საგანმანათლებლო რესურსცენტრის წარმომადგენლები ჩაერთვნენ.

 მსგავსი ღონისძიებების მიზანს გარემოსდაცვითი ცნობიერების ამაღლება და სუფთა გარემოს შენარჩუნება წარმოადგენს. მერიის მხარდაჭერით დმანისელებს შესაძლებლობა ეძლევათ თავისი წვლილი შეიტანონ გარემოს დაცვასა და მოვლაში.

საქართველოში დედამიწის დღე პირველად 1990 წელს აღინიშნა და მას შემდეგ ყოველწლიურად ამ ღონისძიებას უერთდება მრავალი ორგანიზაცია და მოხალისე, რომლებიც ახორციელებენ სხვადასხვა ტიპის გარემოსდაცვით საქმიანობას მთელი ქვეყნის მასშტაბით.