დმანისის მუნიციპალიტეტის თვითმმართველობა საახალწლო ღონისძიებებისათვის ემზადება

დმანისის მუნიციპალიტეტის თვითმმართველობამ საახალწლო მზადება 21 დეკემბრიდან დაიწყო. საახალწლო მორთულობით გალამაზდა ქალაქის ქუჩები.
31 დეკემბერს 22:30 საათზე ქალაქ დმანისის კულტურის ცენტრში მოეწყობა საახალწლო ღონისძიება, რომელშიც მონაწილეობას მიიღებენ დმანისის ,,კულტურისა და ხელოვნების ცენტრის“ ფოლკლორული ანსამბლები: ,,ირინოლა“, ,,შგარიდა“, ,,დმანისური აისი“, ბავშვთა ფოლკლორული , ქორეოგრაფიული, სამეჯლისო, თეატრალური და საესტრადო სტუდიები.
დმანისის მუნიციპალიტეტის პირველ პირთებთან ერთად ახალი წლის მოსალოცად მოწვეული იქნებიან სასულიერო პირებიც.
12 საათზე ღონისძიებას დაასრულებს ,,ფეიერვერკი“ როგორც სცენაზე, ასევე ღია ცის ქვეშ.