,,ჩვენ დავინახავთ მზეს“ - დმანისში თეკლა დევდარიანის დასახმარებლად საქველმოქმედო აქცია-კონცერტი გაიმართა

მიმდინარე წლის 23 დეკემბერს ააიპ კულტურის და ხელოვნების ცენტრში გაიმართა საქველმოქმედო აქცია-კონცერტი თეკლა დევდარიანის დასახმარებლად, რომელსაც ესაჭიროება ორივე თვალის ტრანსპლანტაცია.
საქველმოქმედო კონცერტზე მონაწილეობდნენ: ,,კულტურისა და ხელოვნების ცენტრის“ ფოლკლორული ანსამბლები: ,,ირინოლა“, ,,შგარიდა“, ბავშვთა ფოლკლორული, ქორეოგრაფიული, სამეჯლისო, თეატრალური და საესტრადო სტუდიები. 
დმანისელი მოსახლეობის ერთსულოვნებით შეგროვილი თანხა (2463 ლარი) თეკლა დევდარიანის პირად ანგარიშზე ჩაირიცხა.
ღონისძიების მხარდამჭერი იყო დმანისის მუნიციპალიტეტის თვითმმართველობა.