დმანისის მუნიციპალიტეტის მერმა კობა მურადაშვილმა საკრებულოს თავმჯდომარემ პაატა ყულიაშვილმა და საგანმანათლებლო რესურსცენტრის ხელმძღვანელმა მაია ხმალაძემ, სოფელ ზემო კარაბულახის საჯარო სკოლის მოსწავლეებს უმასპინძლეს.

მოსწავლეები აქტიურად არიან ჩართული პროექტში "მე ვირჩევ პროფესიას" , რომლის ფარგლებში განახორციელეს სხვადასხვა აქტივობა, ესტუმრნენ დმანისის მუნიციპალიტეტში არსებულ შვეიცარიულ აგრარულ სკოლას, დაათვალიერეს კოლეჯის ბაზა და საცხოვრებელი კამპუსი.

დმანისის მუნიციპალიტეტის მერმა მოსწავლეებს გააცნო საგანმანათლებლო პროგრამები, მუნიციპალიტეტის მუშაობის სპეციფიკა. შეხვედრაზე კითხვა პასუხის რეჟიმში ისაუბრეს მოსწავლეებისთვის მნიშვნელოვან და საინტერესო საკითხებზე.