დმანისში დამოუკიდებლობის დღისადმი მიძღვნილი საზეიმო კონცერტი ადგილობრივი შემსრულებლების მონაწილეობით ა(ა)იპ კულტურისა და ხელოვნების ცენტრის ორგანიზებით გაიმართა.

ღონისძიებები სიმბოლურად ქართლის გმირი დედის ძეგლის მიმდებარე ტერიტორიიდან საგანმანათლებლო რესურსცენტრისა და საჯარო სკოლების მსვლელობით დაიწყო.

დმანისის მუნიციპალიტეტის მერმა კობა მურადაშვილმა, დამსწრე საზოგადოებას საკრებულოს თავმჯდომარესეთან, აგარაკ-ტაშირის პროტოსინგელოსთან არქიმანდრიტ დიონისე გვიმრაძესთან ერთად დამოუკიდებლობის დღე მიულოცა და ამ დღის მნიშვნელობაზე ისაუბრა.

შესრულდა საქართველოს სახელმწიფო ჰიმნი.

თავისუფლების ხეივანში შემეცნებითი, კულტურული და საგამოფენო სივრცეები მოეწყო, გაიმართა ადგილობრივი მეწარმეების პროდუქციის გამოფენა - გაყიდვა.