სოფლის ექიმებს დმანისის მუნიციპალიტეტის გამგეობამ წინასაახალწლოდ ჩვილი ბავშვებისათვის განკუთვნილი საჩუქრები გადასცა

გამგეობის ჯანმრთელობისა და სოციალური დაცვის სამსახურის უფროსი მეგი ედიბერიძე სამუშაო ვიზიტით მუნიციპალიტეტის ტერიტორიაზე არსებულ ამბულატორიებს ესტუმრა და სოფლის ექიმებთან ერთად დეტალურად განიხილა ის პრობლემები, რაც მოსახლეობის და ექიმების წინაშე დგას. აღნიშნულმა სამსახურმა დმანისის მუნიციპალიტეტის გამგეობის სახელით მუნიციპალიტეტის ტერიტორიაზე განთავსებულ ამბულატორიებს წინასაახალწლოდ სიმბოლური საჩუქრები და საკვები პროდუქტები გადასცა.