15 ივლისს, დმანისში მსოფლიო რაგბის მწვრთნელთა მომზადების პირველი (L1C15) დონის კურსი გაიმართა, სადაც მონაწილეობას იღებდნენ დმანისში, ბოლნისში და თბილისში მომუშავე ბავშვთა მწვრთნელები.

ისინი გაეცნენ თანამედროვე წვრთნისა და სწავლების მეთოდებს, რათა შემდგომში მათი ვარჯიშები იყოს მაღალი სტანდარტის მქონე, უსაფრთხო, სახალისო, აქტიური და მიზანმიმართული.

აღსანიშნავია, რომ დმანისის მუნიციპალიტეტის მერიისა და საკრებულოს გადაწყვეტილებით, 2022 წლიდან ქალაქ დმანისში, ფუნქციონირებს ბავშვთა რაგბის გუნდი "ყოჩები", სადაც ამ ეტაპზე მომზადებას გადის 30 სპორტსმენი.