დმანისის მუნიციპალიტეტის მერი, კობა მურადაშვილი, საგანმანათლებლო ცენტრში გამომცემლობა „წიგნი+ერის“ ტურნეს ფარგლებში, საბიბლიოთეკო სამსახურის მხარდაჭერით გამართულ პრეზენტაციას დაესწრო.

ღონისძიების ფარგლებში გამოფენა-გაყიდვა 20-50%-იანი ფასდაკლებით გაიმართა. დამსწრე საზოგადოებას საშუალება მიეცათ მათთვის საინტერესო კითხვები დაესვათ ავტორებისათვის და გასცნობოდნენ მათთვის საინტერესო ახალ გამოცემებს.

ღონისძიებას ადგილობრივ მკითხველებთან ერთად დმანისის მუნიციპალიტეტის მერის მოადგილე, არიფ სულეიმანოვი, მერიის განათლების, კულტურის, სპორტისა და ახალგაზრდობის სამსახურის ხელმძღვანელი, ნინო ომიაძე და დმანისის კულტურისა და ხელოვნების ცენტრის არქეოლოგიური ექსპოზიციის ხელმძღვანელი, ისტორიის მეცნიერებათა დოქტორი, პროფესორი ჯუმბერ კოპალიანი ესწრებოდნენ.