„სასკოლო სპორტული ოლიმპიადა 2023-ის” ფარგლებში, დმანისის მუნიციპალიტეტის საჯარო სკოლების მოსწავლეები ერთმანეთს მინი-ფეხბურთში შეეჯიბრნენ.

ვაჟებს შორის I ადგილი ქალაქ დმანისის N 1 საჯარო სკოლის, II ადგილი ქალაქ დმანისის N 3 საჯარო სკოლის, ხოლო III ადგილი სოფელ ბოსლებისა და სოფელ დიდი დმანისის გუნდებმა დაიკავეს.

გოგონებს შორის I ადგილი სოფელ ბოსლებისა და დიდი დმანისის გუნდმა, ხოლო II ადგილი სოფელ ამამლოს საჯარო სკოლის გუნდმა დაიკავა.

გამარჯვებული გუნდები დმანისის მუნიციპალიტეტის მერიის სახელით სიგელებით, თასებითა და ბურთებით დაჯილდოვდნენ.