„სოფლის მხარდაჭერის პროგრამის" ფარგლებში მოსახლეობასთან შეხვედრები ამჯერად საკირეს, გუგუთის, გორას, კამიშლოსა და ლოკჭანდარის მოსახლეობასთან გაიმართა.

საპროექტო წინადადებების განხილვას ყველა სოფელში ადგილობრივი თვითმმართველობის ხელმძღვანელი პირები ესწრებიან.

მუნიციპალიტეტის მასშტაბით პროგრამის ძირითადი პრიორიტეტებია გარე განათების, შიდა გზების, სასმელი წყლის, სანიაღვრე არხების, სკვერების, სპორტული მოედნების მოწყობა და საზოგადოებრივი სივრცეების რეაბილიტაცია.

დასახლებების საერთო კრებები და მოსახლეობასთან კონსულტაციები მუნიციპალიტეტის ყველა ადმინისტრაციულ ერთეულში ეტაპობრივად გაიმართება.