დმანისის მუნიციპალიტეტში, სპორტის დამსახურებული მუშაკის, შუქრი ჩხეტიანის სახელობის ტურნირი გაიმართა

დმანისის მუნიციპალიტეტში, სპორტის დამსახურებული მუშაკის, შუქრი ჩხეტიანის სახელობის ტურნირი გაიმართა

ტურნირის ფინალურ შეხვედრაში ერთმანეთს დაუპირისპირდნენ დიდი დმანისის და დმანისის გუნდები. დაძაბულ შეხვედრაში დიდი დმანისის გუნდმა მოიპოვა გამარჯვება.

გუნდს გამარჯვება პირადად შუქრი ჩხეტიანის ძმამ, სლავა ჩხეტიანმა მიულოცა და გარდამავალი თასი, სიგელი და ფეხბურთის ბურთი გადასცა.

მეორე ადგილზე გასულ გუნდს კი, მერიის სახელით, ფეხბურთის ბურთი და სიგელი გადაეცა. ღონისძიება დმანისის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურის ორგანიზებით გაიმართა.