დმანისის მუნიციპალიტეტის განათლების, კულტურის, სპორტისა და ახალგაზრდობის საქმეთა სამსახურის ორგანიზებით, დმანისის ნაქალაქარზე საინფორმაციო-საგანმანათლებლო ტური „დმანისი - დემეტრე I“ გაიმართა.

დმანისის მუნიციპალიტეტის განათლების, კულტურის, სპორტისა და ახალგაზრდობის საქმეთა სამსახურის ორგანიზებით, დმანისის ნაქალაქარზე საინფორმაციო-საგანმანათლებლო ტური „დმანისი - დემეტრე I“ გაიმართა.

ინფო-ტურის მიზანი იყო ახალგაზრდებისთვის საქართველოს ისტორიის, კერძოდ კი, დმანისის უმნიშვნელოვანესი ისტორიული როლისა და მეფე დემეტრე I-ის მოღვაწეობის შესახებ ცოდნის გაღრმავება. ​ტურში დმანისის მუნიციპალიტეტის საჯარო სკოლების 30-მა წარჩინებულმა მოსწავლემ მიიღო მონაწილეობა.

ტურს უძღვებოდნენ არქეოლოგი ჯიმშერ ჩხვიმიანი და ისტორიკოსი ჯუმბერ კოპალიანი, რომლებმაც მონაწილეებს დეტალური ინფორმაცია მიაწოდეს დმანისის ნაქალაქარის არქეოლოგიური აღმოჩენების და ისტორიული ღირებულების შესახებ, განსაკუთრებით კი დემეტრე I -ის როლზე ნაქალაქარის განვითარების საქმეში.

​ღონისძიებას ესწრებოდნენ მერის მოადგილე არიფ სულეიმანოვი და განათლების, კულტურის, სპორტისა და ახალგაზრდობის საქმეთა სამსახურის უფროსი ნინო ომიაძე.

ღონისძიება ​საქართველოს პარლამენტის ქალთა და ბავშვთა საკითხებზე მომუშავე დროებითი კომისიის პროექტის „გმირის დღე“ ფარგლებში და დმანისის მუზეუმ-ნაკრძალის აქტიური ჩართულობით ჩატარდა.