ნიკო კეცხოველის პრემიის მოსაპოვებლად ნახევარფინალისტთა შეხვედრა გაიმართა

2017 წლის 25 თებერვალს ქალაქ თბილისში დიდუბის საგამოფენო ცენტრში გაიმართა ნიკო კეცხოველის პრემიის მოსაპოვებლად ნახევარფინალისტთა შეხვედრა. პრემია დაწესებულია პროექტისთვის „ტყის მდგრადი განვითარება საქართველოში“. პროექტის ორგანიზატორია კავკასიის გარემოსდაცვითი არასამთავრობო ორგანიზაციების ქსელი (CENN), საქართველოს გარემოსა და ბუნებრივი რესურსების დაცვის სამინისტროსა და განათლებისა და მეცნიერების სამინისტროსთან ერთად. ნახევარფინალური ტურისთვის საქართველოს მასშტაბით შეირჩა 100 სკოლა. მათ შორის მოხვდა სოფელ დიდი დმანისის საჯარო სკოლის გუნდი. შეხვედრაზე საჯარო სკოლას მიღწეული წარმატებისთვის გადაეცა კონკურსის ორგანიზატორებისაგან სერტიფიკატი, ხოლო დმანისის მუნიციპალიტეტისაგან სამახსოვრო საჩუქარი. საჩუქარი გუნდის ლიდერს გადასცა დმანისის მუნიციპალიტეტის გამგებელმა გოგი ბარბაქაძემ.