ინტელექტუალური კონკურსი „წიგნის თარო“
დმანისის ახალგაზრდული ცენტრის ინიციატივით ქალაქ დმანისის N1 და სოფელ დიდი დმანისის საჯარო სკოლებში ჩატარდა შიდასასკოლო ინტელექტუალური კონკურსი „წიგნის თარო“. აღნიშნული პროექტი წარმოადგენს საზოგადოებრივი მაუწყებლის ერთ-ერთი წარმატებული გადაცემის „წიგნის თაროს“ ანალოგს. მისი მიზანი იყო ახალგაზრდებში აემაღლებინა წიგნიერების დონე. სკოლებს წარმოდგენილი ყავდათ გუნდები, რომელთა შორის გამოვლენილი პირველი, მეორე და მესამე ადგილის მფლობელებს ცენტრის სახელით გადაეცათ სიგელები და ენციკლოპედიები.
კონკურსს ესწრებოდნენ დმანისის მუნიციპალიტეტის განათლების, კულტურის სპორტისა და ახალგაზრდობის სამსახურისა და ქალაქ დმანისის საგანმანათლებლო რესურსცენტრის წარმომადგენლები.
ღონისძიება ჩატარდა ტოლერანტობის, სამოქალაქო ცნობიერების და ინტეგრაციის მხარდაჭერის პროგრამის (PITA) ფარგლებში, რომელსაც ახორციელებს საქართველოს გაეროს ასოციაცია (UNAG), აშშ საერთაშორისო სააგენტოს (USAID) - ის ფინანსური მხარდაჭერით.