დმანისის მუნიციპალიტეტის კულტურისა და ხელოვნების ცენტრმა ცოცხალ წიგნებს უმასპინძლა
მიმდინარე წლის 24 აპრილს საქართველოს კულტურისა და ძეგლთა დაცვის სამინისტროს, ასევე დმანისის მუნიციპალიტეტის თვითმმართველობის მხარდაჭერით, ლიტერატურულ-საგანმანათლებლო პროექტის „ცოცხალი წიგნები“ -ის ფარგლებში თანამედროვე ქართველი მწერლების და პოეტების მობილური ჯგუფი დმანისის მუნიციპალიტეტს ესტუმრა.
ჯგუფის შემადგენლობაში არიან: ნინო გუგეშაშვილი, ლელა ცუცქირიძე, ნიკა ჩერქეზიშვილი, გიორგი კაკაბაძე, რობერტ მესხი, მარიამ წიკლაური.
პროექტი „ცოცხალი წიგნი“, საქართველოს კულტურისა და ძეგლთა დაცვის სამინისტროს მხარდაჭერით ხორცილდება და თანამედროვე ქართული ლიტერატურის პოპულარიზაციას ისახავს მიზნად.
პროექტის ფარგლებში წიგნების ავტორები თავად დადიან საქართველოს სხვადსხვა რეგიონში, პირადად უკითხავენ საკუთარ ნაწარმოებებს მკითხველებს. ეწყობა პოეზიის საღამოები და იმართება დისკუსიები ადგილობრივ მოსახლეობასთან მათთვის საინტერესო თემებზე.