სიახლეების გამოწერა

დედაენის დღესთან დაკავშირებით ა(ა)იპ კულტურისა და ხელოვნების ცენტრის ორგანიზებით და მუნიციპალიტეტის თვითმმართველობის მხარდაჭერით შემეცნებითი ღონისძიება გაიართა, სადაც მოწვეულნი იყვნენ ქალაქ დმანისის საჯარო სკოლების უფროსკლასელები (VIII-XI) და ა(ა)იპ დმანისის კულტურის და ხელოვნების ცენტრის ბავშვთა სტუდიების აღსაზრდელები. ღონისძიებაში მონაწილეობა მიიღეს: თეატრალურმა სტუდიამ "ბერიკები", საესტრადო სტუდიამ "მიქსი", ფოლკლორულმა ანსამბლმა „ირინოლა“.
ღონისძიებაზე დამსწრე საზოგადოებას მისალოცი სიტყვით დმანისის მუნიციპალიტეტის მერმა- გიორგი ტატუაშილმა მიმართა და დედაენის დღე ქართული ენის დამსახურებულ პედაგოგს იზოლდა კავლელაშვილს მიულოცა და სიმბოლური საჩუქრები გადასცა. რის შემდეგაც ისტორიკოსმა ჯუმბერ კოპალიანმა დედაენის დღესთან დაკავშირებით ლექცია გამართა.

ღონისძიების პარალერულად გაიმართა გამოფენა და მასტერკლასი. ა(ა)იპ დმანისის კულტურის და ხელოვნების ცენტრის ხატვის და ხალხური რეწვის ბავშვებმა თექის და საღებავების საშუალებით შექმნეს ქართული ანბანის ასოები.

აღსანიშნავია, რომ ამავე დღეს დმანისის მუნიციპალიტეტის მერმა - გიორგი ტატუაშვილმა თვითმმართველობის წარმომადგენლებთან და დმანისის საგანმანათლებლო რესურცენტრის ხელმძღვანელთან ერთად კიდევ ორ ქართული ენის დამსახურებულ პედაგოგს ანეტა ასლამაზაშვილსა და ზამირა ოქრიაშვილს დედაენის დღე მიულოცა, სიმბოლური საჩუქრები გადასცა და ქართული ენის დაცვის მნიშვნელობაზე ისაუბრა.