მიმდინარე წლის 19 ივნისს სოფელ გომარეთში ტრადიციულად აღინიშნა სახალხო ზეიმი ,,გომარეთობა”, რომელიც ყოველთვის მართლმადიდებლური დღესასწაულის ,,სულთმოფენობის” დღეს აღინიშნება. სოფელი გომარეთი ქვემო ქართლის რეგიონის ერთი-ერთი უძველესი ქართული სოფელია, რომელიც ქართული ეკლესია-მონასტრების სიმრავლით გამოირჩევა. ზეიმი დოღით დაიწყო, დოღს ჭიდაობა ჩაენაცვლა, ჭიდაობას -ჭადრაკი. შესრულდა ხალხური სიმღერები და ცეკვები. მოეწყო ბავშვთა ,,ხატვისა და ხალხური რეწვის“ ნამუშევრების გამოფენა. ასევე გამოიფინა ხელნაკეთი ნივთები, თიხის ჭურჭელი, თექის ნამუშევრები და ნაქსოვი აქსესუარები. სახალხო ზეიმზე საპატიო სტუმრის სტატუსით მოწვეული იყვნენ ქვემო ქართლის ყველა მუნიციპალტეტის საკრებულოს თავმჯდომარეები და გამგებლები. სახალხო დღესასწაული ადგილობრივ მცხოვრებლებს პირადად მიულოცა ქვემო ქართლში სახელმწიფო რწმუნებულ-გუბერნატორმა პაატა ხიზანაშვილმა, დმანისის მუნიციპალიტეტის საკრებულოს თავმჯდომარემ ლერი ბერუაშვილმა, გამგებელმა გოგი ბარბაქაძემ და ადგილობრივი ხელისუფლების სხვა წარმომადგენლებმა. დღის განმავლობაში გამართული ასპარეზობების დროს გამოვლინდნენ გამარჯვებულები. ქართულ ჭიდაობაში და დოღში გამარჯვებულებს გამგებელმა გოგი ბარბაქაძემ საჩუქრად გადასცა ცხვარი, ხოლო სხვა ასპარეზობებში გამარჯვებულებს - ფასიანი საჩუქრები. ფასიანი საჩუქრები გადაეცათ აგრეთვე საპატიო გომარეთელებს, ღვაწლომოსილ პედაგოგებს და მრავალშვილიან დედებს.
სიახლეები
სოფელ გომარეთში სახალხო ზეიმი ,,გომარეთობა” წელსაც ტრადიციულად საზეიმო ვითარებაში აღინიშნა
19 ივნ 2016
მნახველთა რაოდენობა: 5014
სიახლეები
მაი 02 ხუთ 2024
282
მაი 02 ხუთ 2024
196
მაი 01 ოთხ 2024
389
მაი 01 ოთხ 2024
337
აპრ 25 ხუთ 2024
300
აპრ 23 სამ 2024
377
აპრ 23 სამ 2024
414
აპრ 23 სამ 2024
594
აპრ 17 ოთხ 2024
442