სიახლეების გამოწერა

პროფესიული უნარების სააგენტომ, პროფესიული განათლების პოპულარიზებისა და თანაბარი ხელმისაწვდომობის ხელშეწყობის მიზნით, საინფორმაციო შეხვედრები გამართა ღია კარის დღის პრინციპით.

შეხვედრების ციკლის ფარგლებში 4 ოქტომბერს ღონისძიება დმანისის მუნიციპალიტეტში გაიმართა.

რომლის მასპინძელიც შვეიცარიული აგრარული სკოლა "კავკასია“ გახლდათ.

შეხვედრის ფარგლებში მონაწილეებს საშუალება ჰქონდათ გასცნობოდნენ პროფესიულ საგანმანათლებლო დაწესებულების ინფრასტრუქტურასა და პროგრამების მიმართულებებს. პროფესიული უნარების სააგენტომ დამსწრე საზოგადოებას პრეზენტაციის სახით მიაწოდა ინფორმაცია ზოგადად პროფესიულ საგანმანათლებლო დაწესებულებებსა და პროფესიულ საგანმანათლებლო დაწესებულებებში რეგისტრაციის შესახებ. პროფესიული განათლებით დაინტერესებულ პირებს შესაძლებლობა ჰქონდათ მათთვის საინტერესო კითხვებზე ამომწურავი პასუხი მიეღოთ.

ნინო ომიაძემ, დმანისის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურის ხელმძღვანელმა, სიტყვით გამოსვლისას წარმატება უსურვა პროფესიული განათლებით დაინტერესებულ პირებს და აღნიშნა, რომ ადგილობრივ სტუდენტებს დმანისის მუნიციპალიტეტის მერია სასწავლო პროგრამის საფასურის ნახევარს უფინანსებს.