სიახლეების გამოწერა

საქართველოს შსს სსიპ - საგანგებო სიტუაციების მართვის სააგენტო, საქართველოს გარემოსა და ბუნებრივი რესურსების დაცვის სამინისტროს გარემოს ეროვნული სააგენტოს ჰიდრომეტეოროლოგიური დეპარტამენტიდან შემოსული ინფორმაციის საფუძველზე გაცნობებთ, რომ 2017 წლის 22-25 მაისს საქართველოში მოსალოდნელია წვიმა, ელჭექი, ზოგან ძლიერი, სეტყვა, იქროლებს ძლიერი ქარი.

26 მაისი – "მე რუსთაველის ქვეყნიდან ვარ"

26 მაისი – "მე რუსთაველის ქვეყნიდან ვარ"

2017 წლის 26 მაისის ღონისძიებები
ქალაქი დმანისი

11 საათი - ააიპ დმანისის კულტურისა და ხელოვნების ცენტრის მიმდებარე ტერიტორიაზე გაიმართება გამოფენები:

1. ხალხური რეწვის; 
2. ხეზე კვეთის; 
3. ხატვის სტუდიის ნამუშევრების;
4. ეთნოგრაფიული კუთხის; 
5. კულტურის ცენტრთან არსებული სტუდიის მოღვაწეობის ამსახველი ფოტოების.

დმანისის მუნიციპალიტეტის გამგეობის განათლების, კულტურის, სპორტისა და ახალგაზრდობის საქმეთა სამსახურის ორგანიზებით იწყება მუნიციპალური ტურნირი ფრენბურთში. შეჯიბრი ჩატარდება ორ კატეგორიაში: გოგონებსა და ვაჟებში. მოთამაშეთა ასაკი განისაზღვრება 16 წლიდან. განაცხადების მიღების ბოლო ვადაა 25 მაისი.

დამატებითი ინფორმაციისათვის დაუკავშირდით დმანისის მუნიციპალიტეტის გამგეობის კულტურის, სპორტისა და ახალგაზრდობის საქმეთა სამსახურის წამყვან სპეციალისტს ახალგაზრდობის საკითხებში.

ნიკა ქართველიშვილი - 598 49 39 92

3 დან 8 მაისამდე საქართველოში მოსალოდნელია დროგამოშვებით წვიმა და ელჭექი, ზოგან ძლიერი. 
ქვეყნის აღმოსავლეთ ნაწილში შესაძლებელია სეტყვა და ქარის გაძლიერება.
აღმოსავლეთ საქართველოს პატარა მდინარეებსა და მშრალ ხევებში შესაძლოა წყლის დონის მნიშვნელოვანი მატება და წყალმოვარდნები აღინიშნოს. (საფრთხის დონე საშუალო).

8 მაისს 14:00 საათზე ქალაქ დმანისში, ,,ააიპ კულტურისა და ხელოვნების ცენტრი"- ს დარბაზში ჩატარდება სრულმეტრაჟიანი მხატრული ფილმისათვის 16 - 30 წლამდე ასაკის დმანისელი ვაჟების შერჩევა.

დღეს სოფელ განთიადში, 14 საათზე ოფიციალურად, საზეიმო ვითარებაში გაიხსნება ბიბლიოთეკა.

დმანისის მუნიციპალიტეტის მოსახლეობის საყურადღებოდ!

მიმდინარე წლის 27 აპრილს დმანისის მუნიციპალიტეტის მოსახლეობას ექნება საშუალება ჩაიტაროს С ჰეპატიტის უფასო სკრინინგი - ლაბორატორიული გამოკვლევა.
მობილური ლაბორატორია განთავსდება დმანისის მუნიციპალიტეტის სოფელ კარაბულახის ამბულატორიის შენობასთან 12 საათიდან და ნებისმიერ მოქალაქეს ექნება საშუალება ჩაიტაროს С ჰეპატიტის უფასო სკრინინგი. 

22 აპრილს 10:00 საათზე

დედამიწის საერთაშორისო დღესთან დაკავშირებით, ქალაქ დმანისში პანტიანის ტბის მიმდებარე ტერიტორიაზე დასუფთავების მასშტაბური აქცია გაიმართება.

22 აპრილს 12:00 საათზე პანტიანის ტბის მიმდებარე ტერიტორიაზე გაიმართება სასკოლო ოლიმპიადის რეგიონული შეჯიბრი გეზრბენში (კროსი).

მონაწილეობას მიიღებენ ქვემო ქართლის ყველა მუნიციპალიტეტის გუნდები.

საქართველოს სპორტისა და ახალგაზრდობის საქმეთა სამინისტრო იწყებს „მოხალისეობის განვითარების პროგრამის საქართველოს მოხალისე“-ს განხორციელებას, რომელსაც საფუძვლად უდევს საქართველოს სახელმწიფო ახალგაზრდული პოლიტიკის დოკუმენტი და სამოქმედო გეგმა.

21 აპრილს 16:00 საათზე, დმანისის კულტურის და ხელოვნების ცენტრში აღდგომის ბრწყინვალე დრესასწაულს, დედაენის და სიყვარულის დღეს აღნიშნავენ.
ღონისძიებაზე დასწრება თავისუფალია.

9 აპრილს 12 საათზე დმანისის მუნიციპალიტეტში კულტურის და დასვენების სკვერში, ააიპ კულტურის და ხელობნების ცენტრის ორგანიზებით 9 აპრილის ტრაგედიის დროს დაღუპულ გმირებს გაიხსენებენ.
მემორიალს შეამკობენ გვირგვინით და დაანთებენ სანთლებს.

2017 წლის 8 მარტს ევროკავშირის ოფიციალურ ჟურნალში გამოქვეყნდა ევროკავშირის საბჭოს N539/2001 რეგულაციის ცვლილება, რომლის თანახმად, საქართველომ ევროკავშირთან უვიზო მიმოსვლის რეჟიმის მქონე ქვეყნების სიაში გადაინაცვლა.
შესაბამისად, 2017 წლის 28 მარტიდან საქართველოს მოქალაქეები, რომლებიც ფლობენ ბიომეტრიულ პასპორტს, შეძლებენ ვიზის გარეშე ევროკავშირის/შენგენის წევრ ქვეყნებში გამგზავრებას.
უვიზოდ მოგზაურობა შესაძლებელია შენგენის ზონის ტერიტორიაზე, რომელიც მოიცავს ევროკავშირის 22 წევრ ქვეყანას, ევროკავშირის 4 არაწევრ ქვეყანას. უვიზო მიმოსვლა ასევე შესაძლებელია შენგენის 4 კანდიდატ ქვეყანასთან:

სპორტისა და ახალგაზრდობის საქმეთა სამინისტროს სსიპ ,,ბავშვთა და ახალგაზრდობის ეროვნული ცენტრი" ახორციელებს შემდეგ სპორტულ აქტივობებს:

საბავშვო ქუჩის ფეხბურთის ფესტივალი (5X5);
საბავშვო ქუჩის კალათბურთის ახალგაზრდული ფესტივალი (3X3);
სპრინტი 60 მეტრზე;
ჭადრაკი;

დამატებითი ინფორმაციის მისაღებად და რეგისტრაციისათვის მიმართეთ ადგილობრივ მუნიციპალიტეტს.
საკონტაკტო პირი: ნიკა ქართველიშვილი ტელ: 598 49 39 92

დმანისის მუნიციპალიტეტი ავრცელებს ინფორმაციას

დმანისის მუნიციპალიტეტის მოსახლეობის საყურადღებოდ! 
მიმდინარე წლის 22 მარტს დმანისის მუნიციპალიტეტის მოსახლეობას ექნება საშუალება ჩაიტაროს С ჰეპატიტის უფასო სკრინინგი - ლაბორატორიული გამოკვლევა.
მობილური ლაბორატორია განთავსდება დმანისის მუნიციპალიტეტის სოფელ დიდი დმანისი - ვარდისუბნის ამბულატორიის შენობასთან 12 საათიდან და ნებისმიერ მოქალაქეს ექნება საშუალება ჩაიტაროს С ჰეპატიტის უფასო სკრინინგი. 

7 მარტს 16:00 
კულტურისა და ხელოვნების ცენტრის დარბაზში ჩატარდება საღამო, რომელიც მიეძღვნება დედისა და ქალთა საერთაშორისო დღეებს.
გამოიფინება თემატური ნახატები და რეწვის ნიმუშები.
დასწრება თავისუფალია.

მოხალისეობის ერთიანი ეროვნული ბაზა შეიქმნა სპორტისა და ახალგაზრდობის საქმეთა სამინისტროს ახალგაზრდობის პოლიტიკის მართვის დეპარტამენტის ,,მოხალისეობის განვითარების პროგრამის“ ფარგლებში.

გარემოს ეროვნული სააგენტოს ინფორმაციით საქართველოში ჰაერის ტემპერატურა მკვეთრად დაიკლებს.

სინოპტიკოსების პროგნოზით, საქართველოს ტერიტორიაზე ყინვა გაძლიერდება. მოსალოდნელია ნალექი თოვლის სახით.
რაც შეეხება აღმოსავლეთ საქართველოს, აქაც ზოგიერთ მუნიციპალიტეტში მოსალოდნელია ნალექი, უმეტესად თოვლის სახით. 21-22-23 იანვარს იქროლებს დასავლეთის ძლიერი ქარი.

გარემოს ეროვნული სააგენტოს ინფორმაციით, 16–18 იანვარს საქართველოში უმეტესად უნალექო ამინდი შენარჩუნდება. ჰაერის ტემპერატურა დასავლეთ საქართველოში +11, +16, აღმოსავლეთ საქართველოში +4, +9 გრადუსი იქნება. 19-20 იანვარს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია შედარებით ცივი და ნალექიანი ამინდი, იქროლებს დასავლეთის მიმართულების ძლიერი ქარი. ჰაერის ტემპერატურა +4, +9 გრადუსი იქნება. 21 იანვარს ქვეყნის ტერიტორიის უმეტეს ნაწილზე გამოიდარებს, 22 იანვარს კვლავ ნალექიანი ამინდია მოსალოდნელი.