სიახლეების გამოწერა

26 ივნისს 11:00 საათზე ააიპ დმანისის კულტურისა და ხელოვნების ცენტრის დარბაზში გაიმართება ქვემო ქართლის რიგით მეხუთე ტრადიციული ღია პირველობა კიკბოქსინგში.

ღონისძიებას გახსნის დმანისის მუნიციპალიტეტის მერი გიორგი ტატუაშვილი.

24 ივნისს არასამთავრობო ორგანიზაცია "პირველი ევროპელის" მოწვევით ქალაქ დმანისს ესტუმრება ვეტერან რაგბისტთა გუნდი.
გუნდი რაგბის პოპულარიზაციის მიზნით შეხვდება დმანისელ ახალგაზრდებს და ჩაუტარებს მასტერკლასს რაგბში. ღონისძიების ფარგლებში დაგეგმილია შეხვედრა მშობლებთან.

21 ივნისს დმანისის მუნიციპალიტეტის მოსახლეობას ,,C'' ჰეპატიტის უფასო სკრინინგ-ტესტირება ჩაუტარდება.
მობილური ლაბორატორია სოფელ საფარლოში ამბულატორიასთან 12:00 საათიდან იქნება განთავსებული და ნებისმიერ მოქალაქეს ექნება საშუალება ჩაიტაროს С ჰეპატიტის უფასო სკრინინგი.

დმანისის მუნიციპალიტეტის მერიის მუნიციპალური ტრანსპორტით მომსახურების პროგრამასთან დაკავშირებით დამატებით გაცნობებთ, რომ ყოველ კვირა დღეს სტუდენტებისათვის ხორციელდება გასვლა დმანისი-თბილისის მიმართულებით 17:00 საათზე.
სტუდენტებს ადგილების დასაჯავშნად შეგიძლიათ წინასწარ დარეკოთ კვირა დღეს 13:00 საათამდე შემდეგ ტელეფონის ნომრებზე: 
599 62 95 50
595 64 65 70

საქართველოს განათლებისა და მეცნიერების სამინისტროს ახალგაზრდობის პოლიტიკის მართვის დეპარტამენტი, მოხალისეობის განვითარების პროგრამის – “საქართველოს მოხალისეს” ფარგლებში, მიმდინარე წლის 6 ივნისიდან 3 ივლისის ჩათვლით აცხადებს კონკურსს ქ. თბილისიდან და საქართველოს 10 რეგიონის 64 მუნიციპალიტეტიდან 16-დან 25 წლამდე მოხალისეების შერჩევის მიზნით (თითო მუნიციპალიტეტიდან შეირჩევა 2 მოხალისე).

14 ივნისს, მსოფლიო ჩემპიონატი ფეხბურთში,19.00 საათზე საზეიმოდ გაიხსნება. ფეხბურთის მოყვარულებს, ქალაქ დმანისის ცენტრალურ სკვერში შეუძლიათ ჩემპიონატს თვალყური ადევნონ დიდ ეკრანზე.

11 ივნისს 11:00 საათზე ქალაქ დმანისის ცენტრალურ სტადიონზე სტარტს აიღებს შუქრი ჩხეტიანის სახელობის ტურნირი მინი ფეხბურთში.
ტურნირში მონაწილეობას მიიღებს თერთმეტი გუნდი.
ტურნირში გამარჯვებულ გუნდს გადაეცემა შუქრი ჩხეტიანის სახელობის გარდამავალი თასი.
მეორე ადგილზე გასულ გუნდს კი ფეხბურთის ბურთი.

დმანისში სახელმწიფო პროგრამების შესახებ საინფორმაციო კამპანია იწყება. კამპანიის მიზანია აზერბაიჯანელმა მოსახლეობამ მათ ენაზე მიიღოს ინფორმაცია, იმ სიკეთეებისა და შესაძლებლობების შესახებ, რომელსაც სახელმწიფო სხვადასხვა მიმართულებით სთავაზობს მათ. აღნიშნული საინფორმაციო კამპანია ქვემო ქართლში სახელმწიფო რწმუნებულის - გუბერნატორის ინიციატივითა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპატარის მხარდაჭერით ხორციელდება. 13 ივნისი 11:00 საათი ააიპ კულტურისა და ხელოვნების ცენტრის დარბაზი ☑️თემა:➡️DCFTA➡️"აწარმოე საქართველოში"➡️სახელმწიფო ქონების ეროვნული სააგენტო 15 ივნისი ⏰ 11:00 საათი ააიპ კულტურისა და ხელოვნების ცენტრის დარბაზი პრეზენტაცია - დანერგე მომავალი, აგროწარმოების ხელშეწყობის პროგრამა, აგროდაზღვევა, პროექტი "ახალგაზრდა მეწარმე. 18 ივნისი 11:00 საათი ააიპ კულტურისა და ხელოვნების ცენტრის დარბაზი - შემოსავლების სამსახურის მიერ მოსახლეობის ინფორმირება საბაჟო საკითხების (ექსპორტი, იმპოტრი) შესახებ საგადასახადო კოდექსში შეტანილი ცვლილებებისა და მოგების გადასახადის შესახებ ინფორმაციის მიწოდება.

1 ივნისს-ბავშვთა დაცვის საერთაშორისო დღესთან დაკავშირებით 
11:00 საათზე ა(აიპ) ,,სათნოების სახლი" - ს ორგანიზებით გაიმართება ღონისძიება, ღონისძიებაზე მისულ ბენეფიციარებს სიმბოლური საჩუქრები გადაეცემათ.
13:00 საათზე ააიპ დმანისის კულტურისა და ხელოვნების ცენტრის საკონცერტო დარბაზში გაიმართება ღონისძიება, რომელშიც მონაწილეობას მიიღებენ ააიპ "დმანისის მუნიციპალიტეტის სკოლამდელი აღზრდის სამსახური"-ის დაქვემდებარებაში შემავალი საბავშვო ბაღების აღსაზრდელები.

დმანისის ახალგაზრდული ცენტრი⌚15:00 საათზე ატარებს ინტელექტუალურ კონკურსს - სახელწოდებით "ჩვენ ვსწავლობთ გეოგრაფიას". კონკურსში მონაწილეობის მიღება შეუძლია დმანისის მუნიციპალიტეტში არსებულ ყველა საჯარო სკოლას (სურვილის მიხედვით).
კონკურსი ჩატარდება გუნდური პრინციპით, რაც გულისხმობს, რომ თითოეული სკოლის მე 10 -11 კლასიდან შეირჩევა სამი მოსწავლე (სკოლის დირექტორის გადაწყვეტილებით. კითხვები, რომლებიც ამ კონკურსში იქნება გამოყენებული მომზადებულია ბაქსვუდის სკოლის გეოგრაფიის კათედრის ხელმძღვანელის - ლიზი გადრანის მიერ. კონკურსის გამარჯვებულები დასაჩუქრდებიან ენციკლობედიებითა და სიგელებით.

სახალხო დღესასწაული ,,გომარეთობა“ 27 მაისი 12:00 საათი
ჩატარების ადგილი - სოფელი გომარეთი - კულტურის სახლი.

გომარეთის კულტურის სახლში გაიმართება ღონისძიება სადაც მონაწილეობას მიიღებენ: გომარეთის ფილიალის ქორეოგრაფიული ანსამბლი ქციელები, სულთმოფენობის ტაძრის მგალობელთა გუნდი, რეპერი ლევან სარსევანიძე.
მოეწყობა ააიპ ,, დამანისის კულტურისა და ხელოვნების ცენტრის“ ბავშვთა ,,ხატვისა და ხალხური რეწვის“ სტუდიების მოსწავლეთა ნამუშევრების და ეთნოგრაფიული მასალების გამოფენა.
გაიმართება სპორტული ღონისძიებები: დოღი, ჭიდაობა, ლახტი, ჭადრაკი, გამოვლენილ გამარჯვებულებს გადაეცემათ პრიზები.

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი ფინანსთა სამინისტროს აკადემიასთან თანამშრომლობით და ქვემო ქართლის გუბერნატორის ადმინისტრაციის მხარდაჭერით აცხადებს კონკურსს ქვემო ქართლში მცხოვრები ქალებისთვის სასწავლო/ტრენინგკურსში  „მეწარმეობის პრაქტიკული კურსი - როგორ დავიწყოთ და განვავითაროთ ბიზნესი“  მონაწილეობის მისაღებად. სასწავლო კურსის მიზანია  მეწარმეობის შესახებ თეორიული ცოდნის ამაღლება და ბიზნესის წარმოების პრაქტიკული უნარების გაძლიერება.   

პიროვნული განვითარების პროგრამა - სამსახურის ძიების ეფექტური გზები, CV და სამოტივაციო წერილის შედგენის ტექნიკები და წარმატებული გასაუბრებისთვის საჭირო უნარ-ჩვევები.

პროექტის ,,ქალთა ეკონომიკური გაძლიერების ხელშეწყობა ქვემო ქართლის რეგიონის ეკონომიკური განვითარების მხარდაჭერის მიზნით’’ ფარგლებში დაგემილია პიროვნული განვითარების პროგრამა ქვემო ქართლის რეგიონში მცხოვრები ქალებისათვის - ტრეინინგი სამსახურის ძიების ეფექტური გზების, CV და სამოტივაციო წერილის შედგენის ტექნიკებისა და წარმატებული გასაუბრებისთვის საჭირო უნარ-ჩვევების განვითარებისათვის.

„ანიმაციის განვითარების ფონდი“ 2018 წლის 21-22 მაისს ქ.დმანისში ატარებს ანიმაციური ფილმების მე-10 საერთაშორისო ფესტივალს „თოფუზი“. ფესტივალი გასართობ-შემეცნებითი ხასიათისაა და რეგიონებში მოიცავს ორ დღეს:
პირველ დღეს  21 მაისს  13:00 -16:00 საათამდე მოეწყობა ვორქშოპი „ანიმაცია ურთიერთობის
მხატვრული ფორმაა“, სადაც ხატვის ნიჭით დაჯილდოებული მოზარდები გაეცნობიან ანიმაციის წარმოების პროცესს და პროფესიონალ ანიმატორებთან ერთად შექმნიან მოკლემეტრაჟიან ანიმაციურ ფილმს, რომელიც მონაწილეობას მიიღებს ქ.ბათუმის ანიმაციური ფილმების საერთაშორისო ფესტივალში „თოფუზი“საკონკურსო პროგრამაში „ბავშვების მიერ შექმნილი საუკეთესო ანიმაციური ფილმი“.

27 მაისს 12:00 საათზე გომარეთის კულტურის სახლში გაიმართება ღონისძიება სადაც მონაწილეობას მიიღებენ: გომარეთის ფილიალის ქორეოგრაფიული ანსამბლი ქციელები, სულთმოფენობის ტაძრის მგალობელთა გუნდი, რეპერი ლევან სარსევანიძე.
მოეწყობა ააიპ ,, დამანისის კულტურისა და ხელოვნების ცენტრის“ ბავშვთა ,,ხატვისა და ხალხური რეწვის“ სტუდიების მოსწავლეთა ნამუშევრების და ეთნოგრაფიული მასალების გამოფენა.
გაიმართება სპორტული ღონისძიებები: დოღი, ჭიდაობა, ლახტი, ჭადრაკი. გამოვლენილ გამარჯვებულებს გადაეცემათ პრიზები.

30 აპრილს 14:00 საათზე 

ააიპ დმანისის საბიბლიოთეკო სამსახურში გაიმართება ღონისძიება "წიგნი ცოდნის დედაა".

„ახალგაზრდული ფესტივალი 2018“-ის ფარგლებში 24 და 25 აპრილს 15:00 საათიდან 19:00 საათამდე სოფელ განთიადის ხელოვნურსაფარიან მოედანზე გაიმართება ტურნირი მინი-ფეხბურთში, სადაც მონაწილეობას მიიღებს დმანისის მუნიციპალიტეტის 17 საჯარო სკოლა (როგორც გოგონებში, ისე ვაჟებში).

24 აპრილს დმანისის მუნიციპალიტეტის მოსახლეობას ,,C" ჰეპატიტის უფასო სკრინინგ-ტესტირება ჩაუტარდება.მობილური ამბულატორია დმანისის მუნიციპალიტეტის სოფლებში: ასკაკლიანსა და ბოსლებში იქნება განთავსებული და ნებისმიერ მოქალაქეს ექნება საშუალება ჩაიტაროს ,,C" ჰეპატიტის უფასო სკრინინგ-ტესტირება.

11:00 საათი სოფელი ბოსლები 
13:00 საათი სოფელი აზკაკლიანი

25 აპრილი 13:00 საათი

ქ.დმანისი 26 მაისის ქ. N 17

პროექტი დაფინანსებულია ამერიკის შეერთებული შტატების თავდაცვის დეპარტამენტის მიერ ჰუმანიტარული დახმარების პროგრამის ფარგლებში. პროექტი, აშშ-ის ევროპული სარდლობის თავდაცვის სფეროში თანამშრომლობის სამსახურის დაკვეთით, უშუალოდ განახორციელა აშშ-ის არმიის ინჟინერთა კორპუსმა, მათ მიერ შერჩეული კონტრაქტორი კომპანიის საშუალებით (CESCO).