სიახლეების გამოწერა

მიმდინარე წლის 27 დეკემბერიდან 2019 წლის 04 იანვრის ჩათვლით დმანისის მუნიციპალიტეტის მერიამ გამოაცხადა აუქციონი eAuction.ge-ზე მუნიციპალიტეტის საკუთრებაში არსებულ სასოფლო-სამეურნეო დანიშნულების იჯარით გასაცემ მიწის (ბუნებრივი საძოვარი,სახნავი, სათიბი) ნაკვეთებზე.

https://www.eauction.ge/Home/Search/W3sia2V5IjoiQ2F0ZWdvcnlJRCIsInZhbHVlIjoiMCJ9LHsia2V5IjoiU2ltcGxlU2VhcmNoVHlwZSIsInZhbHVlIjoiMTAyMCJ9LHsia2V5IjoiU2VhcmNoQWxsIiwidmFsdWUiOiJmYWxzZSJ9LHsia2V5IjoiU29ydEZpbGQiLCJ2YWx1ZSI6OH0seyJrZXkiOiJTaW1wbGVTZWFyY2hGaWxkIiwidmFsdWUiOiLhg5Phg5vhg5Dhg5/zhg5jhg6Hhg5gifV0=/1

31 დეკემბერს, 22:15-საათზე, დმანსიის მუნიციპალიტეტის ცენტრალურ სკვერში, მთავარი საახალწლო ღონისძიება გაიმართება. 

შეკრებილი საზოგადოების საახალწლო განწობაზე ადგილობრივი შემსრულებლები იზრუნებენ.

მოსახლეობას ახალ წელს მიულოცავს დმანისი მუნიციპალიტეტის მერი გიორგი ტატუაშვილი.

კონცერტი გრანდიოზული ფოიერვერკით დასრულდება.

•,,დავლურ-ქართული“. ხალხური საკრავების სტუდია 

•,,მრავალჟამიერ მამულო ჩემო“ . სკოლამდელი აღზრდის დაწესებულება 

•ცეკვა - ,,ქართული“ - ხალხური ცეკვის სტუდია. 

•ინტერნაციონალური ანსამბლი ,,დმანისური აისი“

•,,გილოცავთ „ 

•,,ახალი წელი“ 

•2018 წლის დმანისის გამორჩეული ადამაინების დაჯილდოვება ( სპორტსმენები) 

•ქორეოგრაფიული ანსამბლი ,,მართვე“ . ცეკვა - ,,ნაბდური“

•ფოლკლორული ანსამბლი ,,ირინოლა“ :

•,,კირია ლესა“ .

•,,ორიდილა“ 

•,,ალილო“

•საესტარდო სტუდია. სიმღერა - ,,მოწყენილი სახეები“ - ლიზი მურჯიკნელი ; სალომე დევნოზაშვილი.

•საჯარო სკოლის მედალოსნების დაჯილდოვება. 

•ფოლკლორული ანსამბლი ,,შგარიდა“ :

•,,მრავალჟამიერი“ 

•,შეხე აბრამ“

•,,საახალწლო“- სალომე სიმონიშვილი–საესტრადო სტუდია 

•ხალხური ცეკვის სტუდია -ცეკვა - ,,ნარნარი“. 

•2018 წლის დმანისის გამორჩეული ადამიანების დაჯილდოვება( ხელოვანები)

•,,პოპური“ - სამეჯლისო ცეკვის სტუდია 

•,,გილოცავთ“ - ლილია ჭიაბრიშვილი 

•ცეკვა - ,,აჭარული“- ქორეოგრაფიული ანსამბლი ,,მართვე“ 

•2018 წლის ნაბოლარა ახალშობილის დაჯილდოვება 

•საგალობლების სტუდია:

•,,ალილო“ 

•,,მრავალჟამიერი“

მიმდინარე წლის 26 დეკემბერს დმანისის საგანმანათლებლო ცენტრში საახალწლო ზეიმი და კინოჩვენება გაიმართა. კინოჩვენების შემდეგ აზერბაიჯანის რესპუბლიკის ნავთობის კომპანიის წარმომადგენლობამ დმანისის საგანმანათლებლო ცენტრის ყველა მოსწავლეს (189 მოსწავლეს) საჩუქრები გადასცა.

დმანისის საგანმანათლებლო ცენტრის ხელმძღვანელი დიანა კარალოვა მადლობას უხდის კომპანია "სოკარს" და მის წარმომადგენელს მახირ მამედოვს.

25 დეკემბერს, საქართველოს იუსტიციის მინისტრმა თეა წულუკიანმა, დმანისის მუნიციპალიტეტში საზოგადოებრივი ცენტრი გახსნა.

ღონისძიებას ღონისძიებას საქართველოს იუსტიციის მინისტრი თეა წულუკიანი, საქართველოს პრემიერ-მინისტრის მრჩეველი რეგიონული განვითარების საკითხებში, სოზარ სუბარი, ქვემო ქართლში სახელმწიფო რწმუნებული, შოთა რეხვიაშვილი, პარლამენტში დმანისისა და წალკის მაჟორიტარი დეპუტატი, კახაბერ ოქრიაშვილი, მუნიციპალიტეტის მერი, გიორგი ტატუაშვილი, ადგილობრივი თვითმაართველობის წარმომადგენლები და სხვა მოწვეული სტუმრები დაესწრნენ. 

თეა წულუკიანმა საზოგადოებრივი ცენტრი დმანისში მცხოვრებ შშმ პირის სტატუსის მქონე გიორგი დოლიაშვილთან ერთად გახსნა. მინისტრმა მას საქართველოს მოქალაქის პასპორტი მიმდინარე აქციის ფარგლებში უფასოდ გადასცა. აქცია შშმ პირებისათვის უფასო პირადობის მოწმობებზე თეა წულუკიანის ინიციატივით 10 დეკემბერს გამოცხადდა და ის 11 იანვრამდე გრძელდება.

საზოგადოებრივი ცენტრის მუშაობა მოსახლეობას საშუალებას აძლევს, საჯარო და კერძო სექტორის 200-ზე მეტი სერვისით ისარგებლოს, კერძოდ: სახელმწიფო სერვისების განვითარების სააგენტოს (მაგ., აიღოს პირადობის დამადასტურებელი საბუთი, დაარეგისტრიროს ქორწინება და ა.შ.), საქართველოს ეროვნული არქივის, საჯარო რეესტრის ეროვნული სააგენტოს და სოციალური მომსახურების სააგენტოს სერვისებით. საზოგადოებრივი ცენტრები საჯარო და კერძო სექტორის წარმატებული თანამშრომლობის საუკეთესო მაგალითია. ცენტრებში განთავსებულია კერძო კომპანიების − „მაგთიკომის“ და „ლიბერთი ბანკის“ − ფილიალები, რაც პენსიონერებს საშუალებას აძლევს, ქალაქიდან გაუსვლელად აიღონ პენსია. მოსახლეობას შეუძლია, ასევე, ცენტრებში 24-საათიანი უკაბელო უფასო ინტერნეტითა და სკაიპის ოთახით ისარგებლოს. გარდა ამისა, იუსტიციის მინისტრის გადაწყვეტილებით, ყველა ახალგახსნილ საზოგადოებრივ ცენტრში პრობაციონერებს პრობაციის ეროვნული სააგენტოს წარმომადგენელი მოემსახურება.

სახელმწიფო და კერძო სექტორის სერვისების მიღების გარდა, დმანისის მოსახლეობას საზოგადოებრივ ცენტრში შეუძლია, ისარგებლოს უახლესი ტექნიკით აღჭურვილი ბიბლიოთეკით, სადაც ელექტრონულ წიგნებთან ერთად ბეჭდური გამოცემებიცაა. ბეჭდური და ციფრული ბიბლიოთეკა, უფასო ინტერნეტი მოზარდებსა და ახალგაზრდებს საშუალებას აძლევს, სწავლების თანამედროვე მეთოდების გამოყენებით შეიძინონ ცოდნა. ინტერნეტის მეშვეობით მათ შეუძლიათ, მიიღონ მათთვის საჭირო და საინტერესო უახლესი ინფორმაცია ამა თუ იმ საკითხზე, რის შესაძლებლობასაც ისინი მანამდე მოკლებული იყვნენ.

ბიბლიოთეკაში მოწყობილია საქართველოს დამოუკიდებლობის 100 წლისთავისადმი მიძღვნილი ფოტოგამოფენა სახელწოდებით „საქართველოს პირველი დემოკრატიული რესპუბლიკა“. გამოფენაზე წარმოდგენილია საქართველოს ეროვნულ არქივში დაცული ფოტოდოკუმენტური მასალების ასლები, რომლებიც 1918-21 წლების მნიშვნელოვან მოვლენებს ასახავს. ამჟამად მთელი ქვეყნის მასშტაბით, დმანისის ცენტრის გარდა, თანამედროვე სტანდარტების 58 საზოგადოებრივი ცენტრი მოქმედებს. იუსტიციის მინისტრ თეა წულუკიანის გადაწყვეტილებით, ე.წ .საოკუპაციო ხაზის გასწვრივ შენდება საზოგადოებრივი ცენტრები, რათა ოკუპირებულ ტერიტორიებზე და მის მიმდებარე სოფლებში მცხოვრებ მოსახლეობას სახელმწიფოსთან კონტაქტი გაუადვილდეს.

დღეისათვის მთელი საქართველოს მასშტაბით ცენტრები ფუნქციონირებს 10 რეგიონის 40 მუნიციპალიტეტში.

ღონისძიების ფარგლებში, საზოგადოებრივი ცენტრის საქმიანობისა და ფუნქციების შესახებ სახალისო ვიქტორინა ჩატარდა, გახსნის ოფიციალური ნაწილის დასრულების შემდეგ კი, საზეიმო კონცერტი გაიმართა.

დმანისის მუნიციპალიტეტის საკრებულოს 2018 წლის 25 დეკემბერს 12 საათზე მოწვეული რიგგარეშე სხდომის დღის წესრიგი

ნაძვის ხის ანთებამდე დმანისელებისთვის კონცერტი გამართა ა(აიპ) დმანისის კულტურისა და ხელოვნების ცენტრთან არსებულმა საგალობლებისა და საესტრადო სტუდიებმა. ნაძვის ხის ანთების შემდეგ ცეკვის კარაოკე გაიმართა. გამოვიდა სანახაობრივად ლამაზი და შთამბეჭდავი საღამო, რომელმაც ამაღლებული წინასაახალწლო განწყობა შექმნა მუნიციპალიტეტში. 

მიმდინარე წლის 20-21 დეკემბერს, ქალთა საინფორმაციო ცენტრის ორგანიზებით გაიმარტა ტრენინგი ,,გენდერული თანასწოორბის სამოქმედო გეგმის ხელშეწყობა’’, რომელშიც მონაწილეობა მიიღეს ქვემო ქართლის რეგიონის ოთხი მუნიციპალიტის: დმანისი, გარდაბანი, წალკა, რუსთავი - მერიისა და საკრებულოს წარმომადგენლებმა, მუნიციპალიტეტების გენდერული თანასწორობის სობჭოს წევრებმა და ამ საკითხებზე პასუხისმგებელმა პირებმა მერიაში.

ტრენიგნის მიზანს წარმოადგენდა, გენდერული თანასწორობის საბჭოს წევრების ცნობიერების ამაღლება სამოქმედო გეგმის ეფექტურად შესასრულებლად, გენდერული თანასწორობის, ქალთა უფლებების, ეროვნული და საერთაშორისო ვალდებულებების, გენდერული ბიუჯეტირებისა და სტატისტიკის საკითხებზე. ტრენინგი ჩატარდა ქალთა საინფორმაციო ცენტრის მიერ, გაეროს განვითარების პროგრამის (UNDP) და შვედეთის მთავრობის ხელშეწყობით, გაეროს ერთობლივი პროექტის ,, ადგილობრივ დონეზე დეცენტრალიზაციისა და კარგი მმართველობის ხელშეწყობა " ფარგლებში.

დმანისის მუნიციპალიტეტის მერიის სოციალური პროგრამის ფარგლებში მიმდინარეობს ბიო სწავავი ,,ბრიკეტით" მარტოხელა პენსიონერი პირების და უკიდურესად გაჭირვებული მოსახლეობის მომარაგება

აღნიშნული ბიო საწვავი "ბრიკეტი", ამ ეტაპისთვის 110 ბენეფიციარს გადაეცემა

მიმდინარე წლის, 21 დეკემბერს, დმანისის მერიის საკონფერეციო დარბაზში გაიმართა შეხვედრა სტუდენტებთან ,,ტრანსპორტით მომსახურების 2019 წლის პროგრამის" განხილვასთან დაკავშირებით.

იუსტიციის მინისტრი 59-ე საზოგადოებრივ ცენტრს 25 დეკემბერს დმანისში 14:00 საათზე გახსნის.

თანამედროვე სტანდარტების ახალი შენობა სპეციალურად საზოგადოებრივი ცენტრისთვის აშენდა.

მშენებლობის დასრულების შემდეგ, დმანისის მუნიციპალიტეტის მხრიდან მოხდა ტერიტორიის შემოღობვა სკვერით და გარე პერიმეტრის კეთილმოწყობა. კერძოდ გაფართოვდა საზოგადოებრივ ცენტრამდე მისასვლელი გზა, მოეწყო გარე განათების სისტემა.

საზოგადოებრივი ცენტრი ძირითადად, ორიენტირებული იქნება ადგილობრივი მოსახლეობის საჭიროებებზე. ცენტრი მომხმარებელს მრავალფეროვან სერვისს, გამარტივებულ პროცედურებს, საინფორმაციო ტექნოლოგიების ხელმისაწვდომობას და თანამედროვე ინფრასტრუქტურას სთავაზობს. იუსტიციის სახლის მომსახურების გარდა, მოსახლეობა ადგილზევე შეძლებს სოფლის მეურნეობისა და განათლების სამინისტროების სერვისებით სარგებლობაც.

დმანისის საზოგადოებრივ ცენტრში მოეწყო უახლესი ტექნიკით აღჭურვილი ბიბლიოთეკა, სადაც ელექტრონულ წიგნებთან ერთად ბეჭდური გამოცემებიც იქნება დაცული. ეს განსაკუთრებით მნიშვნელოვანია იმის გათვალისწინებით, რომ დმანისში სამი საჯარო სკოლა ფუნქციონირებს. ბეჭდური და ციფრული ბიბლიოთეკა და ინტერნეტის ხელმისაწვდომობა ბავშვებს საშუალებას მისცემს, სწავლების თანამედროვე მეთოდების გამოყენებით შეიძინონ ცოდნა და ინტერნეტის საშუალებით მიიღონ მათთვის საინტერესო უახლესი ინფორმაცია ამა თუ იმ საკითხზე, რის შესაძლებლობასაც ისინი მოკლებულნი იყვნენ.

ღონისძიების ფარგლებში, საზოგადოებრივი ცენტრის საქმიანობისა და ფუნქციების შესახებ სახალისო ვიქტორინა ჩატარდება, გახსნის ოფიციალური ნაწილის დასრულების შემდეგ კი, საზეიმო კონცერტი გაიმართება.

ღონისძიებას დაესწრებიან : დმანისის მუნიციპალიტეტის მაჟორიტარი დეპუტატი კახაბერ ოქრიაშვილი, ქვემო ქართლში სახელმწიფო რწმუნებულ გუბერნატორი - შოთა რეხვიაშვილი, მთავრობის ადმინისტრაციაში რეგიონული მართვის სამსახურის უფროსი - სოზარ სუბარი. დმანისის მუნიციპალიტეტის მერი - გიორგი ტატუაშვილი მოადგილეებთან თანამშრომლებთან ერთად, ასევე საკრებულოს ხელმძღვანელი პირები და დაინტერესებული დმანისელი საზოგადოება.

 24 დეკემბერს, 18 საათზე მოხდება ნაძვის ხის საზეიმო ანთება და ქუჩების განათება.

ნაძვის ხის ანთებამდე თქვენთვის კონცერტს გამართავს:

1.ალილო- ააიპ“დმანისის კულტურისა და ხელოვნების ცენტრთან“ არსებული საგალობლების სტუდია.

2.ააიპ“დმანისის კულტურისა და ხელოვნების ცენტრთან“ არსებული საესტრადო სიმღერების სტუდია "მიქსი".

ნაძვის ხის ანთების შემდეგ გაიმართება ცეკვის კარაოკე.

ძვირფასო დმანისელებო, მობრძანდით და ერთად გავილამაზოთ ეს დღე!

ქართულული საზოგადოება ლეგენდარული ანსამბლის „ივერიის“ 50 წლისადმი მიძღვნლი საიუბილეო საღამოებს აღნიშნავს.აღნიშნული საღამოების ფარგლებში, დმანისის მუნიციპალიტეტის კულტურის სახლში, 24 დეკემბერს, „ორი ჯუჯა და მეგობრების“ კონცერტი გაიმართება. 

დასაწყისი 14:00 საათზე.

ძვირფასო დმანისელებო, მობრძანდით და შეიქმენით წინა საახალწლო განწყობა! 

დასწრება თავისუფალია!

20 დეკემბერს, უცნობი ქართველი რეპრესირებული მოდერნისტი პოეტის, ვანლერ დაისელის-ივანე ბაბუაძის წიგნის „მზის სისხლის“ პრეზენტაცია გაიმართა.

საქართველოს რეგიონული განვითარებისა და ინფრასტრუქტურის მინისტრის მოადგილე, ილია ბეგიაშვილი, ქვემო ქართლში სახელმწიფო რწმუნებულთან, შოთა რეხვიაშვილთან ერთად, რეგიონის მუნიციპალიტეტების ხელმძღვანელ პირებსა და ინფრასტრუქტურის სამსახურის წარმომადგენლებს შეხვდა.

ცენტრალური და ადგილობრივი ხელისუფლების წარმომადგენლებმა, სამუშაო შეხვედრაზე, დიალოგის რეჟიმში იმსჯელეს, 2019 წელს დაგეგმილ ინფრასტრუქტურულ პროეტებზე, პრიორიტეტულ მიმართულებებსა და სფეროში არსებულ საჭიროებებზე.

მიმდინარე წლის 4-5 დეკემბერს, ქ. თბილისში ჩატარდა საქართველოს რეზერვის მზადების ეროვნული ცენტრის ღია პირველობა ძიუდოში.

მაღალმთიან დასახლებაში მცხოვრებთა სტატუსის მართვის საბჭოს მორიგი სხდომა

მიმდინარე წლის, 20 დეკემბერს, დმანისის მუნიციპალიტეტს, აშშ-ის საელჩოსგან, მუნიციპალიტეტის ტერიტორიის კეთილმოწყობისა და საინჟინრო ინფრასტრუქტურის განვითარებისათვის, გრანტის სახით, გადმოეცა 94,370.00 აშშ დოლარის ღირებულების სატრანსპორტო საშუალება – გრეიდერი.

გრედიერის გადმოცემის ცერემონიას ესწრებოდა აშშ-ს საელჩოს თბილისში წარმომადგენელი ორმხრივი ურთიერთობების ოფიცერი მაიორი კვენტინ თ. დოლი, ასევე შემოსავლების სამსახუს საბაჟო დეპარტამენტის გაფორმების ეკონომიკური ზონა "თბილისის" ლოჯისტიკის სამმართველოს მებაჟე-ოფიცერი პაატა ცერცვაძე.

შეხვედრაზე იმყოფებოდა დმანისის მუნიციპალიტეტის მერი გიორგი ტატუაშვილი, ადგილობრივი ხელისუფლების წარმომადგენლებთან ერთად.

აღსანიშნავია ის ფაქტი, რომ დმანისის მუნიციპალიტეტი, მდებარეობს მაღალმთიან ზონაში, სადაც 58 დასახლებული პუნქტიდან 49 დასახლებულიპუნქტი არის მაღალმთიანი დასახლების სტატუსის მქონე, მოახლოებულია ზამთრის სეზონი, რა დროსაც სასიცოცხლოდ მნიშვნელოვანია მოსალოდნელი ნალექებისაგან დაზიანებული გზების დაუყოვნებლივ გაწმენდითი სამუშაოების ჩატარება, როგორც წვიმის დროს ასევე დიდთოვლობის პერიოდში

აღნიშნული სახის ტექნიკის მუნიციპალიტეტის საკუთრებაში არსებობა, წარმოადგენს გზებზე არსებული გადაუდებელი პრობლმებზე დაუყოვნებლივი რეაგირების ეფექტურ საშუალებას.

მიმდინარე წლის 20 დეკემბერს, დმანისის მუნიციპალიტეტის მერიის საკონფერენციო დარბაზში, ა(ა)იპ „სოციალური პროგრამებისა და განვითარების ცენტრის“ წამომადგენლება შეხვედრა გამართეს,  დმანისის მუნიციპალიტეტის ტერიტორიაზე უმეთვალყურეოდ დარჩენილი ცხოველების (კატა/ძაღლი) მაქსიმალურად მიახლოებული ჯამური რაოდენობის განსაზღვრის კვლევის ჩატარების თაობაზე.

მიმდინარე წლის 15-16 დეკემბერს,  ქ.ბოლნისში ჩატარდა  2008 წელს, საქართველოს მთლიანობისათვის ბრძოლაში დაღუპული,  საბა დადვანის ხსოვნისადმი მიძღვნილი საერთაშორისო ტურნირი ჭიდაობა ძიუდოში.

დმანისის მუნიციპალიტეტის მერის წარმომადგენელმა, ქალაქ დმანისის ადმინისტრაციულ ერთეულში ემზარ პეტრიაშვილმა,  სოფელ ვაკეში, ამამლოში, გომარეთში და ბოსლებში მცხოვრებ ბენეფიცარებს გადაადგილებისათვის დამხმარე ეტლები გადასცა.