სიახლეების გამოწერა

დმანისში ორი მასშტაბური სპორტული კომპლექსის მშენებლობა იწყება

​საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი დმანისში სპორტული ინფრასტრუქტურის გაუმჯობესების მიზნით ორ მნიშვნელოვან პროექტს ახორციელებს.

​პროექტის დეტალები ადგილზე ინფრასტრუქტურის მინისტრმა, რევაზ სოხაძემ, მუნიციპალური განვითარების ფონდის აღმასრულებელ დირექტორთან, ბექა ურუშაძესთან და ადგილობრივი თვითმმართველობის წარმომადგენლებთან ერთად განიხილა.

​პროექტი მოიცავს დიდ და საბავშვო საცურაო აუზებს, ფიტნეს დარბაზებსა და კულტურულ-შემეცნებით სივრცეებს.

​მოეწყობა თანამედროვე ხელოვნურსაფარიანი სტადიონი 300-ადგილიანი ტრიბუნით, გასახდელებითა და სრული დამხმარე ინფრასტრუქტურით.

​დმანისის მუნიციპალიტეტის მერის, კობა მურადაშვილის განცხადებით ორივე ობიექტი სრულად იქნება ადაპტირებული შშმ პირებისთვის. ახალი ინფრასტრუქტურა მნიშვნელოვნად შეუწყობს ხელს დმანისში ჯანსაღი ცხოვრების წესის პოპულარიზაციასა და ადგილობრივი სპორტსმენების მომზადებას.