სიახლეების გამოწერა

პროექტი დაფინანსებულია ამერიკის შეერთებული შტატების თავდაცვის დეპარტამენტის მიერ ჰუმანიტარული დახმარების პროგრამის ფარგლებში. პროექტი, აშშ-ის ევროპული სარდლობის თავდაცვის სფეროში თანამშრომლობის სამსახურის დაკვეთით, უშუალოდ განახორციელა აშშ-ის არმიის ინჟინერთა კორპუსმა, მათ მიერ შერჩეული კონტრაქტორი კომპანიის საშუალებით (CESCO).

ახალგაზრდული სამედიცინო საგანმანათლებლო ცენტრი განკუთვნილია ძირითადად დიაბეტითა და სხვა არაგადამდები დაავადებებით (ასთმა და მისთ.) დაავადებული ბავშვებისათვის. ახალგარემონტებულ ცენტრში „ექთს ჯორჯია“ წარმართავს სამედიცინო საგანმანათლებლო პროგრამებს, რომლებიც ფოკუსირებული იქნება ბავშვებისთვის საჭირო სამედიცინო ხასიათის ინფორმაციის მიწოდებასა და იმ უნარების ჩამოყალიბებაზე, რაც ხელს შეუწყობს მათი ჯანსაღი ცხოვრების წესის დამკვიდრებას, დაავადების დამოუკიდებლად გამკლავების მიზნით. შენობა აღჭურვილია სათანადო აპარატურით ბავშვების საჭიროებების დროულად დაკმაყოფილების მიზნით. შენობას დმანისის  მუნიციპალიტეტი ასევე გამოიყენებს სხვა სახის საქმიანობისთვისაც.