შექმენი ბიუჯეტი
ხელისუფლებასთან დაკავშირება
დამატებული პეტიციები
ბიუჯეტი
გამოკითხვა
გალერეა
ვიდეო
სტრატეგიული განვითარების გეგმა 
მიმდინარე წლის 20 ივნისს, ააიპ კულტურის და ხელოვნების ცენტრის მიმდებარე ტერიტორიაზე, ღია ცის ქვეშ გაიმართა ,,Open Air “ სტილის კონცერტი, სადაც ჯგუფმა ,,ნემომ" და ,,ასკრიონმა" წარმოადგინეს ცნობილი როკ ჯგუფების..
მიმდინარე წლის 19 ივნისს ქალაქ ბათუმში გაიმართა ღია ჩემპიონატი ,,კიოკუშენ კარატე"-ში. აღნიშნულ ჩემპიონატში მონაწილეობა მიიღო დმანისის მუნიციპალიტეტის ააიპ ომარ მუმლაძის სახელობის სპორტული სკოლის..
,,დავუბრუნდეთ სოფელს” - ამ სლოგანით ბოლნისის მუნიციპალიტეტმა მიმდინარე წლის 28 ივნისს, ფესტივალ ,,არტ-გენს” უმასპინძლა. ფესტივალზე დმანისის, წალკის, თეთრიწყაროს, გარდაბნისა და ბოლნისის მუნიციპალიტეტების ფოლკლორულმა ანსამბლებმა მიიღეს მონაწილეობა. დღის ბოლოს კი ჯგუფების ,,რეგიონის”და “ფრანის”დასკვნითი კონცერტი გაიმართა. ფესტივალის პარალელურად წარმოდგენილი იყო რეწვისა და თანამედროვე ხელოვნების გამოფენა, დამთვალიერებლებმა ქართული კერძები დააგემოვნოს და სხვადასხვა ხალხურ თამაშებში მიიღეს მონაწილეობა. ფესტივალ ,,არტ-გენს“ ესწრებოდა ქვემო ქართლში სახელმწიფო რწმუნებული-გუბერნატორი პაატა ხიზანაშვილი, ასევევ სტუმრები სხვადასხვა მუნიციპალიტეტებიდან. პროექტის ძირითად მიზანს საქართველოს ხალხური და ტრადიციული შემოქმედების პოპულარიზაცია წარმოადგენს. ,,არტ-გენი” 2004 წელს დაფუძნდა, ფესტივალი საქართველოს რეგიონებიდან იწყება და ტრადიციულად თბილისის ეთნოგრაფიულ მუზეუმში იხურება.
მიმდინარე წლის 6 ივლისს 12:00 საათზე საერთაშორისო ორგანიზაცია ACF international ორგანიზებით ევროკავშირის სოფლის მეურნეობისა და სოფლის განვითარების პროგრამისა (ENPARD) და ევროკავშირის მიერ დაფინანსებული..
 |
| დმანისი – საქართველოს ერთ-ერთი უმდიდრესი წარსულის მქონე ადგილი – უკვე მთელ მსოფლიოშია ცნობილი. იგი ასეთი პოპულარული გახდა მას შემდეგ, რაც დმანისის ნაქალაქარის ტერიტორიაზე აღმოჩნდა უძველესი ადამიანის ნაშთები. თავის ქალების დეტალური შესწავლის შემდეგ საბოლოოდ დადგინდა და მთელმა მსოფლიომ გაიზიარა, რომ დმანისში აღმოჩენილი ადამიანი თარიღდება 1,7 მლნ წლით და აფრიკის გარეთ იგი უძველესია მსოფლიოში. ადამიანის წარმოშობის, მისი ევოლუციისა და განსახლების კვლევის სფეროში ქართველმა მეცნიერებმა უდიდეს შედეგებს მიაღწიეს. ამან განაპირობა ის დიდი აღიარება, რაც ამ შედეგებს ხვდა წილად. კერძოდ, ამერიკული ჟურნალის “Sience”-ის მიერ დასახელებულ 2000 წლის ათ საუკეთესო მეცნიერულ მიღწევათა შორის მსოფლიოში მეცნიერების ყველა დარგში “დმანისური აღმოჩენა” პირველ სამეულში მოხვდა და მან უკან ჩამოიტოვა არაერთი უმნიშვნელოვანესი აღმოჩენები მეცნიერების სხვადასხვა დარგში, მათ შორის ნობელის პრემიაზე წარდგენილებიც. დღეს ყველა ეთანხმება იმ აზრს, რომ ჩვენი ბიოლოგიური წინაპრები, პირველი ჰომინიდები აფრიკაში წარმოიშვნენ და დიდი ხნის განმავლობაში მხოლოდ ამ კონტინენტზე სახლობდნენ. თუ როგორ გავრცელდნენ ისინი ევრაზიაში, მუდმივი დავის საგანია. ადამიანის აფრიკის გარეთ გავრცელება მოხდა მინიმუმ 1,7-1,8 მლნ წლის წინ. დმანისში ნაპოვნი ქვის იარაღები და ადამიანის ნაშთები იდენტურია აფრიკაში ნაპოვნი არქაული იარაღებისა და ჰომინიდებისა, რომლებიც 2,5 მლნ წლით თარიღდება. მორფოლოგიურად დმანისელი ჰომინიდი უშუალოდ უკავშირდება აფრიკის ადრეულ ჰომოებს. რამ აიძულა ადამიანები გასულიყვნენ აფრიკის გარეთ? მათი განსახლება მოხდა იმიტომ რომ მათ შეეძლოთ და უნდოდათ ახალი ტერიტორიების ათვისება. ძირითადად აქ ეკოლოგიურმა და ბიოლოგიურმა ფაქტორებმა იმოქმედა. მას შემდეგ, რაც ჰომინიდების ადგილსამყოფელი _ ტყეები სავანეებით შეიცვალა, ახალ გარემოებასთან ადაპტაციამ გამოიწვია ცვლილებები ანატომიურ აგებულებაში. კერძოდ, იზრდება სხეულის ზომები და ტვინის მოცულობა, ორგანიზმი საჭიროებს ენერგეტიკულად მდიდარ საკვებს – ხორცს. ამ ბოლო პერიოდში გამოითქვა მოსაზრება იმის შესახებ, რომ დმანისელი ადამიანი მოსული კი არ არის, არამედ ადგილზე მოხდა უძველესი ადამიანის წარმოშობა და ჩამოყალიბება. |
| 19 ივლისი, სამშაბათი, 2011 წელი |
 |
| დმანისის ნაქალაქარი (ფართ.13 ჰა) შუა საუკუნეებში თბილისის (საქართველოს დედაქალაქის) შემდეგ ერთ-ერთ ძლიერ ქართულ ქალაქს წარმოადგენდა. იგი მდებარეობს სამხრეთ-აღმოსავლეთით თბილისიდან 80-ე კილომეტრზე, მდინარეების მაშავერასა და ფინეზაურის შესართავთან აღმართულ კონცხზე. დმანისის ნაქალაქარი უნიკალური ძეგლია, როგორც მეცნიერული თვალსაზრისით, ისე სანახაობრივად. ამ ტერიტორიაზე გამოვლინდა ადამიანის ცხოვრების ყველა პერიოდი. განსაკუთრებით მჭიდრო დასახლება ყოფილა გვიანბრიჯაოს ხანაში. ქალაქი აშენდა IX-X საუკუნეებში (მანამდე აქ ქალაქური ტიპის დასახლება ყოფილა). თურქ-სელჩუკების მიერ XI საუკუნეში დმანისის განადგურების შემდეგ იგი ხელმეორედ აუშენებიათ XI-XII საუკუნეების მიჯნაზე და დმანისი სამეფო ქალაქად გამოცხადდა. XIII საუკუნეში ქართული ფული აქ იჭრებოდა, კერძოდ მეფე დავით ნარინის სახელით. ზარაფხანას არქეოლოგებმა ჯერჯერობით ვერ მიაგნეს. დმანისშია დაკრძალული დემეტრე II თავდადებულის შვილი, მაღალი ზნეობითა და სულიერებით გამორჩეული, საქართველოს ეკლესიის მიერ წმინდანად შერაცხული მეფე ვახტანგ III. ქალაქი განადგურდა თემურ-ლენგის შემოსევების შედეგად XIV საუკუნის ბოლოს. XVI საუკუნიდან აღსდგა მხოლოდ ნაქალაქარის ციხე, ამ მხარის ცნობილი ფეოდალური საგვარეულოს – ბარათაშვილების მიერ. XVIII საუკუნიდან აქ სიცოცხლე შეწყდა და დმანისი ნაქალაქარად იქცა. ქალაქის ტერიტორიაზე განლაგებული იყო საცხოვრებელი, სამეურნეო, საკულტო და სხვა სახის ნაგებობები. ნაგებობები სამსართულიანებიც ყოფილა. ბევრი მათგანი კრამიტით იყო გადახურული. აქ იყო კერამიკული და მინის საწარმოები. აღმოჩენილია დიდი რაოდენობის მრავალფეროვანი არქეოლოგიური მასალა, მათ შორის რამდენიმე წარწერიანი (ქართული, სპარსული და ლათინური), დიდი რაოდენობით მონეტები (ძირითადად ქართული). ქალაქის ერთ-ერთ მნიშვნელოვან ნაწილს წარმოადგენს შიდაციხე-ციტადელი. დადგინდა ციხის მშენებლობის რამდენიმე პერიოდი. გამოვლენილია თავდაცვითი სისტემა-გალავნის კედელი მთელ პერიმეტრზე (სიგრძე-322მ) თავისი ბურჯებითა და საბრძოლო კოშკებით, საცხოვრებელი და სამეურნეო ნაგებობებით, სასახლე თავისი აბანოთი. შენობა ნაგებია ქვიშაქვით და ბაზალტით დუღაბზე, გადახურვა - კრამიტით (ღარიანი და ბრტყელი), იატაკი კი ბრტყელი აგურით ყოფილა მოწყობილი. აღმოჩენილია ქალაქის საინტერესო ელემენტი-საიდუმლო გვირაბი (200მ. სიგრძის). მტრის შემოსევის დროს სწორედ ამ გვირაბით ხდებოდა ხალხის გაყვანა და ქალაქის მომარაგება წყლით. დმანისის ნაქალაქარის ტერიტორიაზე მდებარეობს სასულიერო ცენტრი – ღვთისმშობლის სახელობის ტაძარი, რომელიც XI-XII საუკუნეებში უნდა აეგოთ. V საუკუნეში დმანისში საეპისკოპოსო ტაძარიც ყოფილა, მაგრამ იგი ჯერჯერობით აღმოჩენილი არ არის. დმანისის სიონის ტაძრისთვის XIII საუკუნეში, დასავლეთის მხრიდან მიუშენებიათ მრავალფეროვანი ორნამენტებით შემკული კარიბჭე, რომლის დასავლეთის ფასადზე გაუკეთებიათ ვრცელი ქართული ასომთავრული წარწერა, რომელშიც მოხსენიებულია მეფე ლაშა-გიორგი და დმანისის ეპისკოპოსი კალნაპეტის-ძე. ამავე პერიოდში მოუხატავთ ტაძარი (შემორჩენილია ფრაგმენტები). |
| 19 ივლისი, სამშაბათი, 2011 წელი |
 |
| დმანისური სტელა |
| ადრექრისტიანული ხანის ქართული კულტურის უმნიშვნელოვანეს ნიმუშებს წარმოადგენენ ქვის სტელები და ქვაჯვრები. მათ განსაკუთრებული მნიშვნელობა აქვთ არა მარტო ქართული ხელოვნების, არამედ საქართველოს ეკლესიის ისტორიისთვის და წარმოადგენენ უნიკალურ წყაროთმცოდნეობით მასალას, რადგან ისინი თანადროული ეპოქისათვის დამახასიათებელი ორნამენტების გარდა შეიცავენ ლაპიდარულ წარწერებსაც და წარმოადგენენ ეპიგრაფიულ ძეგლებს. საქართველოში ქვაჯვრების ძირითადი კერა ქვემო ქართლია, V-VI სს-ის ძეგლების ასეთი სიმდიდრე ჯერ არსად საქართველოში არ მოიპოვება. ამ პერიოდის ძეგლების განსაკუთრებული სიუხვით გამოირჩევა დმანისის მუნიციპალიტეტი. სოფ. განთიადთან ტოპონიმ “ნაგზაურის” ტერიტორიაზე გათხრების შედეგად აღმოჩნდა V-VII სს-ის საეკლესიო კომპლექსი, სხვადასხვა დროს აგებული 4 ეკლესიის ნაშთები და უამრავი არქეოლოგიური მასალა: სტელებისა და ქვაჯვრების ფრაგმენტები, კრამიტები, კერამიკული ჭურჭლის ფრაგმენტები და სხვ. სხვა მასალასთან ერთად გამოვლინდა ქვის სტელა. იგი თითქმის მთელია, აკლია მხოლოდ დაბოლოება. სტელა ოთხწახნაგოვანია. წინა მხარეზე გამოსახულია ტახტზე მჯდომი ღვთისმშობელი ყრმით ხელში. კაპიტელის 4 წახნაგი გრეხილი ორნამენტით აქვს შემოსაზღვრული. ყოველი წახნაგი წარმოადგენს დამოუკიდებელ ხატს. მეორე წახნაგზე გამოსახულია ორი ფიგურა, ერთია სასულიერო პირი (ჩაცმულობა მეტყველებს ამაზე) და მარჯვენა ხელში ჯვარი უჭირავს, ხოლო მეორე მამაკაცი უნდა იყოს ქტიტორი, რაც სხვა მონაცემებითაც დასტურდება, ამ რეგიონის მმართველი, გამგებელი. წახნაგის მარჯვენა კიდესთან რელიეფურად გამოყვანილია რამდენიმე ქართული ასომთავრული ასო „დღე ერთი“, წარწერა თანადროულია და თარიღდება V-VI საუკუნეებით, მესამე წახნაგზე, ღვთისმშობლის მარჯვნივ გამოსახულია ლომი, ხოლო მეოთხეზე - ღვთისმშობლის უკანა მხარეს _ ფარშევანგი. იქ, სადაც ლომია გამოსახული დაფიქსირდა ქართული ასომთავრული წარწერა ამოკაწვრის წესით შესრულებული და იკითხება ორი სიტყვა -„სტეფანე შეიწყალე“. |
XIX საუკუნის პირველ ნახევარში ქართულ ნასოფლარებზე შეიქმნა ცენტრალური რუსეთის რაიონებიდან გადმოსახლებული რუსების (დუხობორების) ორი დასახლება. მათმა ჩამოსახლებამ თან შემოიტანა საკუთარი ყოფის ელემენტები ( ქართული ურემი შეიცვალა რუსული ,,ფურგონებით”, ქართული თონე რუსული ,,ფურნით” და სხვ.) XIX საუკუნის დასაწყისში რუსებმა დაიწყეს საქართველოდან უცხოეთში (ძირითადად კანადაში) მიგრაცია. ეს პროცესი უფრო აქტიური ხასიათის იყო მეორე მსოფლიო ომის შემდეგ. დღეისათვის დმანისში რამდენიმე რუსული ოჯახიღაა შემორჩენილი.
1830 წელს მეფის მთავრობამ საქართველოსი არზრუმის მხრიდან ჩამოასახლა 4200 ბერძენი და დაასახლა თრიალეთში. ბორჩალოს მაზრის დაშლის შემდეგ შეიქმნა ახალი ტერიტორიულ-ადმნისტრაციული რაიონები და ნაწილი ბერძენთა სოფლებისა მოჰყვა დმანისის მუნიციპალიტეტიც. ეს ბერძნები წამოსული იყვნენ თურქეთის ჩრდილო-აღმოსავლეთიდან, ნაწილი თურქულად მეტყველებდა, ნაწილი კი - სომხურ დიალექტზე. ჩვენს რაიონში არსებობდა ორი ბერძნული სოფელი: საკირე და გორა. მათი მცხოვრებნი იმ ხალხის განშტოებას წარმოადგენდნენ, რომლებიც ერეკლე მეორემ XVIII საუკუნის 60-იან წლებში საქართველოში მოიწვია მადნის მოპოვება-დამუშავებისა და საკალატოზო საქმის შესასრულებლად. ეს ბერძნულენოვანი მოსახლეობა არამარტო მადნის დამუშავების ოსტატები იყვნენ, არამედ თურქულენოვანი ბერძნებისგან განსხვავებით წიგნიერებასაც მისდევდნენ, გახსნილი ჰქონდათ სკოლები. უნდა აღინიშნნოს, რომ ამჟამად ბერძნული მოსახლეობის უმრავლესობა საბერძნეთს დაუბრუნდ. მაგ. სოფელ საკირესა და გორაში რამდენიმე ათეულიღაა დარჩენილი, ხოლო სოფელი იაილო აღარც არსებობს.
დმანისის ტერიტორიაზე პირველად გერმანელმა ფერმერებმა იწყეს შემოსვლა. მათ ქარხნები ჰქონდათ სოფ. მთისძირში, ზემო ყარაბულახში. პირველი ფერმერი იყო ფონ კუჩენბახი. იგი 1862 წელს ჩამოვიდა გერმანიიდან, რუსეთის მთავრობის კრედიტით აღებული ფულით იყიდა სოფ. მთისძირის, პანტიანის და ტყისპირის ტერიტორიები და მოაწყო ევროპული სტილის მესაქონლეობის ფერმა. კუჩენბახმა შვეიცარიიდან ჩამოიყვანა ,,შვიცის” ჯიშის ძროხები, შეაჯვარა ადგილობრივ ჯიშთან და მიიღო კავკასიური წაბლა ჯიშის პირუტყვი, რომელიც დღესაც გავრცელებულია დმანისის მუნიციპალიტეტის მოსახლეობაში. კუჩენბახმა იმდენად მძლავრი ფერმა შექმნა, რომ მისის ქარხნებიდღეში 6-8 ტონა ყველს ამზადებდა. გარდა ფერმერობისა, მრეწველობასაც მიჰყო ხელი - სოფელ საფარლოში, მდ. ფინეზაურის ნაპირზე ააგო მინის ქარხანა, რომელიც საოჯახო ჭურჭელს უშვებდა. რაიონის ტერიტორიაზე გაჩნადა გერმანული სოფელიც. 1907 წელს, როდესაც ორმაშენელი დუხობორები აიყარნენ და რაიონულ ცენტრ დმანისში ჩამოსახლდნენ, მათ ადგილზე ეკეტერიფელდიდან (ბოლნისიდან) ჩამოსული გერმანელები ჩამოსახლდნენ, ხოლო სოფელს ვალდჰემი დაარქვეს. დღეს უკვე დმანისში არცერთი გერმანელი აღარ ცხოვრობს.
დმანისის მუნიციპალიტეტი მდიდარია წყლის რესურსებით. მუნიციპალიტეტში 2 მდინარე ჩამოედინება, რომლებსაც 6 შენაკადი აქვს. გარდა მდინარეებისა, მუნიციპალიტეტში არის 4 წყალსაცავი, 2 ბუნებრივი ტბა და 6 გუბურა. გამოყენება შესაძლებელია მეთევზეობის , სატბორე და სამოყვარულო მეურნეობების განვითარებისათვის.
მუნიციპალიტეტში არსებული 23 936 ჰა ტყის ფართობიდან, 5 500 ჰა ფიჭვს უკავია, 20 ჰა - კაკალს, საფარლოში 0,5 ჰა-ზე წაბლის ხეებია, გომარეთში 5 ჰა-ზე მოცვის ბუჩქები. ტყეებში ყველაძე მაღალი მაჩვენებლით წიფლი ხეები გამოირჩევა, მას მოსდევს რცხილა, ხოლო შედარებით ნაკლები რაოდენობითაა იფნი, მუხის და სხვა ხეები. მრავლადაა ასკილი და სხვადასხვა კენკროვანი მცენარე. ტყის რესურსებს ძირითადად შესის დასამზადებლად იყენებენ, რადგან წლების მანძილზე მუნიციპალიტეტის მოსახლეობის გათბობის ერთ-ერთი ძირითადი საშუალება შეშაა. გარდა აღნიშნულისა, ტყეებს რეკრეაციული დანიშნულება აქვს. მინიციპალიტეტის ტერიტორიაზე არსებობს როგორც ბუნებრივი, ასევე, გაშენებული ტყეები. ერთ-ერთი ასეთია პანტიანის ტბის გარშემო გაშენებული ტყე, რომელიც მთელი ზაფხულის განმავლობაში დამსვენებელთა სიმრავლით გამოირჩევა.
23 იანვარი, კვირა, 2011 წელი
მუნიციპალიტეტში, სოფ. კიროვისის მიმდებარე ტერიტორიაზე არსებობს 2 400 000 მ/კ გრანიტი. აგრეთვე არის წარმოებისათვის საკმარისი რაოდენობის სამშენებლო მასალა: ქვიშა, პემზა, მოსაპირკეთებელი მასალები: ბაზალტი, ყვითელი და მწვანე ტუფი, გრანიტი. მათი მოპოვება და დამუშავება მე-20 საუკუნის 80-იან წლებში ხდებოდა. აღინიშნება ოქროს შემცველი საბადოები და დიდი რაოდენობის ტორფის საბადოები, რომლის გამოყენება შესაძლებელია სოფლის მეურნეობაში ნიადაგის გასანოყიერებლად. მუნიციპალიტეტი მდიდარია როგორც სასმელი, ასევე სამკურნალო წყლებით.ტყესა და მთის ალპურ ზონაში მრავლადაა სააფთიაქო - სამკურნალო ბალახი.
23 იანვარი, კვირა, 2011 წელი
დმანისის მუნიციპალიტეტში ჰავა ზომიერად ნოტიოა, ცივი ზამთარით და თბილი ზაფხულით, იანვარში ჰაერის საშუალო ტემპერატურაა - -10,-20 გრადუსი ცელსიუსი, აბსოლუტური მინიმალური ტემპერატურა -15-20 გრადუსი ცელსიუსია, ზოგჯერ -40 გრადუსამდე ეცემა მთებში. თოვლის საფარის ხანგრძლივობა 2-5 თვემდე გრძელდება, ნიადაგის გაყინვა, საშუალოდ 20-30 სმ-ზე აღინიშნება. ზაფხულის აბსოლუტური ტემპერატურა +30 გრადუს ცელსიუსს აღწევს (აღმოსავლეთ ნაწილში). ივლისის საშუალო ტემპერატურაა + 15 - + 25 გრადუსი ცელსიუსი. ამ ტერიტორიის განსაკუთრებული მახასიათებელი არის გვალვა. გვალვიანი დღეების საერთო რაოდენობა 65-ს აღწევს. ზაფხულის საშუალო ტემპერატურაა თვეში +16 გრადუსი ცელსიუსი. ნალექების რაოდენობა წელიწადში 650-800 მმ-ს შეადგენს. ნალექების მაქსიმალური რაოდენობა მაისის თვეში მოდის, მინიმალური - დეკემბერში. ზაფხულის თვეებში ხშირია კოკისპირული წვიმა და ელჭექი, რომელსაც ხშირად თან ახლავს სეტყვა.
23 იანვარი, კვირა, 2011 წელი
დმანისის მუნიციპალიტეტში ძირითადად მძიმე შავმიწა ნიადაგებია, ასევე , მუქი ყავისფერი და ნეშომპალა კარბონატული მიწა. ნიადაგი მდიდარია მაგნიუმით და კალციუმით, უმნიშვნელო რაოდენობით შეიცავს ნატრიუმსა და კალიუმს. ყოველივე ეს იძლევა იმის საშუალებას, რომ იწარმოოს მაღალი კვებითი ღირებულების , ეკოლოგიურად სუფთა სოფლი მეურნეობის ისეთი პროდუქტები, როგორიცაა: კარტოფილი სტაფილო, ჭარხალი, კომბოსტო, ლობიო, სიმინდი , ხორბალი და სხვა. ბენებრივი სათიბები და საძოვრები ალპურ და სუბალპურ ზონებში მდებარეობს. ეს ერთ-ერთი მყარი წინაპირობაა მსხვილფეხა რქოსანი პირუტყვისა და მეცხვარეობის განვითარებისათვის.
23 იანვარი, კვირა, 2011 წელი
| მსხვილი ფერმერული მეურნეობების, ფერმერთა ასოციაციების კოოპერატივების და სხვა გაერთიანებების რაოდენობა 1/VIII-2010 წლისათვის |
| იხილეთ გადმოწერებში |
| 4 აპრილი, ორშაბათი, 2011 წელი |
 |
| 20 ივნისს 18-00 საათზე ააიპ კულტურის და ხელოვნების ცენტრის მიმდებარე ტერიტორიაზე |
| 16 ივნისი, ხუთშაბათი, 2016 წელი |
 |
| 1 ივნისი ბავშვთა დაცვის საერთაშორისო დღე |
| ღონისძიება დაიწყება 12 : 00 -საათზე „ა(ა)იპ“ დმანისის კულტურისა და ხელოვნების ცენტრის მიმდებარე ტერიტორიაზე. საჰაერო ბუშტებით და ფერადი ქაღალდებით საზეიმოდ მოირთვება „ა(ა)იპ“კულტურისა და ხელოვნების ცენტრის მიმდებარე ტერიტორია, ფერადი ცარცების გამოყენებით მოიხატება მოედანი, მუნიციპალიტეტის ყველა ბაღი ჩაერთვება საზეიმო კონცერტში „ა(ა)იპ“კულტურისა და ხელოვნების ცენტრის დარბაზში ბავშვებისათვის ნაჩვენები იქნება მულტფილმები. ღონისძიებას ორგანიზებას გაუწევს „ა(ა)იპ“კულტურისა და ხელოვნების ცენტრი. ღონისძიების მხარდამჭერია ა(ა)იპ“ სკოლამდელი აღზრდის დაწესებულება. |
| 31 მაისი, სამშაბათი, 2016 წელი |
