სიახლეების გამოწერა

მიმდინარე წლის 20 ივნისს, ააიპ ,,დმანისის კულტურისა და ხელოვნების ცენტრის“ საკონცერტო დარბაზში ქალაქ დმანისის N1 საბავშვო ბაღმა სასკოლო ასაკის ბავშვები საზეიმო ღონისძიებით გააცილა.

პროგრამა იყო  მრავალფეროვანი. ბავშვები თავისი შემოქმედებით წარსდგნენ მშობლებისა და  საზოგადოების წინაშე. სამსახიობო მონაცემებით და სხვადასხვა უნარებით დაჯილდოებულმა პატარებმა მაყურებლის ოვაციები დაიმსახურეს.

დმანისის მუნიციპალიტეტის გამგებელმა გოგი ბარბაქაძემ აღმზრდელებს და მშობლებს უსურვეა წარმატებები და  ცხოვრების ახალ ეტაპზე გადასულ  პატარებს გზა დაულოცა.

აღსანიშნავია, რომ დმანისის მუნიციპალიტეტის  საბავშვო ბაღებში 5-6 წლიანთა ჯგუფების აღმზრდელები ყოველი სასწავლო წლის მიწურულს საინტერესო და შთამბეჭდავ ღონისძიებებს ატარებენ, სადაც ნათლად და მკაფიოდ იკვეთება აღმზრდელების დაუღალავი შრომა და აღსაზრდელების ნიჭი და უნარი.

სასკოლო ასაკის აღსაზრდელებს  საბავშვო  ბაღისაგან გადაეცათ დიპლომები, ხოლო საზოგადოებრივი ჯანდაცვისაგან,    მომავალ პირველ კლასელებს, გაკვეთილების ცხრილი  და გასაფერადებელი რვეულები.