სიახლეების გამოწერა

პროექტის ფარგლებში " არა ოჯახში ძალადობას! დღეს დმანისის მუნიციპალიტეტის მერიის ქალთა ოთახში გაიმართა ჰუმანიტარული აქცია, სადაც ორგანიზაციის წარმომადგნლებმა დმანისელ ოთხ მრავალშვილიან დედას ჰუმანიტარული დახმარება გადასცეს.
გადაცემის ცერემონიალს ესწრებოდნენ მერის პირველი მოადგილე ბადრი სუბარი და მერიის ჯანმრთელობისა და სოციალური დაცვის სამსახურის ხელმძღვანელი თანამშრომლებთან ერთად.

დღეს დმანისის მუნიციპალიტეტის მერიის საკონფერენციო დარბაზში პროექტის ფარგლებში  „ახალგაზრდების გაძლიერება ცხოვრებისეული ღირებულებების განვითარების გზით“, სამუშაო შეხვედრა გაიმართა. შეხვედრას დმანისის მუნიციპალიტეტის მერიის ჯანმრთელობისა და სოციალური დაცვის სამსახურის, განათლების, კულტურის, სპორტისა და ახალგაზრდობის საქმეთა სამსახურის და  დმანისის საგანმანათლებლო რესურსცენტრის ხელმძღვანელები ესწრებოდნენ.

ქალაქ დმანისში, ვაჟა ფშაველას ქუჩაზე მიმდინარეობს სარიტუალო დარბაზის რეაბილიტაცია. სამუშაო ხორციელდება  61295 ლარით ადგილობრივი ბიუჯეტიდან. საერეაბილიტაციო სამუშაოები დასრულდება მიმდინარე წლის 15 ივნისს.

ქალაქ დმანისში გზების რეაბილიტაცია აქტიურად მიმდინარეობს. გაბაშვილის ქუჩის ჩიხებში გზის კეთილმოწყობის სამუშაოები დასრულდა და რეაბილიტაციის შედეგად გზაზე გადაადგილება კომფორტული გახდა. ინფრასტრუქტურული სამუშაოები აქტიურ ფაზაშია სოფელ ლოკჭანდარში, სადაც ამ ეტაპზე დასრულებულია გზის მოხრეშვა. გზის რეაბილიტაცია ასევე დასრულებულია სოფელ კარაბულახსა და გოდაგდაგში. აღნიშნული სამუშაოები განახორციელა შპს როუდ სოლუშენმა ადგილობრივი ბიუჯეტიდან.

დღეს, დმანისის ახალგაზრდულ ცენტრში ჩატარდა ინტელექტუალური კონკურსი სახელწოდებით - "ჩვენ ვსწავლობთ გეოგრაფიას". კონკურსში მონაწილეობა მიიღეს დმანისის N1, განთიადის, მაშავერას და ჯავახის საჯარო სკოლების მე 10-11 კლასის მოსწავლეებმა. კონკურსში თავისი ინტელექტუალური შესაძლებლობებით ლიდერობა არავის დაუთმო სოფელ მაშავერას საჯარო სკოლის გუნდმა. გამარჯვებული გუნდის წევრებმა, წარმატების აღსანიშნავად, დმანისის ახალგაზრდული ცენტრისგან სიგელები და ენციკლოპედიები მიიღეს. ღონისძიებას ესწრებოდნენ დმანისის მუნიციპალიტეტის თვითმმართველობის თანამშრომლები, პედაგოგები, გულშემატკივრები.

მიმდინარე წლის 28-29 მაისს ბულგარეთში ჩატარდა ევროპის ჩემპიონატი მკლავჭიდში.

ჩემპიონატში მონაწილეობა მიიღო დმანისელმა ნოდარ ციხელაშვილმა, რომელმაც 60 კგ წონით კატეგორიაში ორივე ხელში მოიპოვა ვერცხლის მედლები. აღსანიშნავია, რომ ხვალ და ზეგ ნოდარ ციხელაშვილი იასპარეზებს პარა სპორტსმენებში.

სოფლად ახალგაზრდა მეწარმეების მხარდაჭერის პროგრამა „ახალგაზრდა მეწარმე“ - ს ფარგლებში, ამ წუთებში დმანისის მუნიციპალიტეტის მერიაში საინფორმაციო შეხვედრა მიდმდინარეობს. პროგრამის მიზანია რეგიონებში ეკონომიკური ზრდის გაძლიერება და ახალგაზრდა მეწარმეების ხელშეწყობა ფინანსური და ტექნიკური დახმარების გზით. პროგრამა „ახალგაზრდა მეწარმე“ ითვალისწინებს საგრანტო თანადაფინანსებას ანუ მთლიან საინვესტიციო პროექტში 40% არის გრანტი არაუმეტეს 60 000 ლარი, ხოლო პროგრამით დაინტერესებული პირის ფინანსური თანამონაწილეობა არის 60% ანუ არანაკლებ 90 000 ლარი.

სახალხო დღესასწაული ადგილობრივ მცხოვრებლებს პირადად მიულოცა დმანისის მუნიციპალიტეტის მერმა გიორგი ტატუაშვილმა, სასულიერო პირებმა და ადგილობრივი ხელისუფლების  სხვა წარმომადგენლებმა. სასულიერო პირებს არქიმანდრიტ დიონისე გვიმრაძეს და მღვდელთმონაზონ  ხარიტონ არეშიძეს მიენიჭათ საპატიო გომარეთელების წოდება. აღსანიშნავია, რომ გომარეთობა უკვე 10 წელია არქიმანდრიტ დიონისე გვიმრაძის ინიციატივით აღინიშნება.

ააიპ დმანისის კულტურისა და ხელოვნების ცენტრის მიმდებარე ტერიტორიაზე გაიმართა საქართველოს დამოუკიდებლობის დღისადმი მიძღვნილი დასკვნითი საზეიმო კონცერტი, სადაც მონაწილეობა მიიღეს ააიპ ,,დმანისის კულტურისა და ხელოვნების ცენტრის ფოლკლორულმა ანსამბლებმა ,,შგარიდა“ ,,ირინოლა“, ,,დმანისური აისი“. ღონისძიებაში ასევე მონაწილეობდნენ ბავშვთა - ქართული ხალხური ცეკვის, ქართული ხალხური სიმღერის, ქართული ხალხური საკრავების, საესტრადო სიმღერის, სამეჯლისო და სპორტული ცეკვის, თეატრალური სტუდიები. დამსწრე საზოგადოებას 26 მაისის 100 წლის იუბილე სცენიდან მიულოცა დმანისის მუნიციპალიტეტის მერმა გიორგი ტატუაშვილმა. ააიპ ,,დმანისის კულტურისა და ხელოვნების ცენტრის“ ხატვის სტუდიამ სახეზე მოხატა მსურველები. 

საქართველოს დამოუკიდებლობის 100წლისთავისადმი მიძღვნილი კვირეულის ფარგლებში, დღეს ააიპ დმანისის კულტურისა და ხელოვნების ცენტრის მიმდებარე ტერიტორიაზე ღია ცის ქვეშ გაიმართა ქართული საესტრადო და ქალაქური სიმღერების კონცერტი. ააიპ დმანისის კულტურისა და ხელოვნების ცენტრის საესტრადო სიმღერის შემსწავლელი სტუდია ,,მიქსის“ აღსაზრდელებმა ქართული სიმღერები მიუძღვნეს საქართველოს დამოუკიდებლობის 100 წლის იუბილეს. დმანისის ახალგაზრდული ცენტრის აღსაზრდელებმა პატრიოტულ თემაზე ლექსები წაიკითხეს. 

საქართველოს დამოუკიდებლობის ასი წლისთავისადმი მიძღვნილი კვირეულის ფარგლებში ააიპ ,,დმანისის კულტურისა და ხელოვნების ცენტრის“ წინ მდებარე სკვერში ფოლკლორული ანსამბლების კონცერტი გაიმართა, სადაც მონაწილეობდნენ: ქალთა, ვაჟთა და ბავშვთა ფოლკლორული ანსამბლები ,,ირინოლა“ ,,კიდევაც დაიზრდებიან“, ,,შგარიდა", ინტერნაციონალური ანსამბლი ,,დმანისური აისი", ასევე ხალხური საკრავსების და ქორეოგრაფიული ანსამბლის აღრაზრდელები.
ღონისძიებაზე დმანისელმა პოეტებმა: მაყვალა სიმონიშვილმა, ტერენტი ცინდელიანმა, ნანა უბილავამ, ქეთო დარბინიანმა პატრიოტულ თემაზე ლექსები წაიკითხეს. ღონისძიებას ესწრებოდნენ დმანისის მუნიციპალიტეტის თვითმმართველობის თანამშრომლები და დაინტერესებული საზოგადოება.

ამ წუთებში მერიის საკონფერენციო დარბაზში მიმდინარეობს შეხვედრა სმენადაქვეითებულ ბავშვთა ჯანმრთელობითი უფლებების ხელშეწყობის მიზნით. შეხვედრა იმართება ააიპ "ინიციატივა რეგიონული განვითარებისათვის" პროექტის ფარგლებში "ერთად ერთმანეთისათვის" ბავშვთა ჯანმრთელობის უფლების ხელშეწყობის საქმეში არსებული გამოცდილების გაზიარების მიზნით.
შეხვედრას ესწრებიან დმანისის მუნიციპალიტეტის თვითმმართველობის, საგანმანათლებლო რესურსცენტრის თანამშრომლები, პედაგოგები, სოფლის ექიმები, ბავშვები მშობლებთან ერთად. შეხვედრის ორგანიზატორია დმანისის მუნიციპალიტეტის მერიის ჯანმრთელობისა და სოციალური დაცვის სამსახური.

გაეროს მოსახლეობის ფონდი UNFPA ევროკავშირის დაფინანსებით ახორციელებს შეხვედრების სერიას გენდერული ნიშნით სქესის შერჩევასა და ვაჟებისადმი უპირატესობის მინიჭების თემაზე. აღნიშნულ საკითხთან დაკავშირებით მოსახლეობის ცნობიერების ამაღლების მიზნით, ამ წუთებში დმანისის მუნიციპალიტეტის მერიის ქალთა ოთახში მიმდინარეობს შეხვედრა, სადაც მოწვეულია ადგილობრივი მოსახლეობა, ქალები და მამაკაცები. შეხვედრა მიმდინარეობს აზერბაიჯანულ ენაზე, რომელსაც უძღვება ორი ადგილობრივი ტრენერი ლეილა სულეიმანოვა და აიშან გიზბასოვა.

საქართველოს დამოუკიდებლობის დღისადმი მიძღვნილი კვირეულის ფარგლებში, დღეს ააიპ დმანისის კულტურისა და ხელოვნების ცენტრში არასამთავრობო ორგანიზაცია ,,პირველი ევროპელი“-ს ორგანიზებით დმანისის სულთმოფენობის სახელობის ტაძრის მგალობელთა გუნდის სოლო კონცერტი გაიმართა. კონცერტზე მოწვეული იყო მგალობელ ვაჟთა გუნდი რუსთავიდან. შესრულდა როგორც საგალობლები, ასევე ქართული ხალხური სიმღერები. საქართველოს დამოუკიდებლობის თემაზე და ქართული მართლმადიდებლური ეკლესიის მნიშვნელობაზე ისაუბრა არქიმანდრიტმა დიონისე გვიმრაძემ. ღონისძიებას ესწრებოდნენ დმანისის მუნიციპალიტეტის თვითმმართველობის ხელმძღვანელი პირები, მერიისა და საკრებულოს თანამშრომლები, დაინტერესებული საზოგადოება.

ანიმაციური ფილმების მე-10 საერთაშორისო ფესტივალი „თოფუზი“- ის ფარგლებში ანიმაციური გმირების კოსტუმებში გამოწყობილმა მსახიობებმა დღეს ბავშვებთან ერთად მოაწვეს ქუჩის თეატრალიზებული მსვლელობა ე.წ. „ბარაბან-შოუ“.  ბავშვებისთვის კინოჩვენებამდე გაიმართა წამახალისებელი ვიქტორინა თემაზე „ქართული ანიმაციის ისტორია“. გამარჯვებულებმა საჩუქრად მიიღეს ანიმაციური ფილმების DVD დისკები. ფესტივალის დასასრულს ნაჩვენები იყო ვორქშოპზე შექმნილი 1 წუთიანი ანიმაციური ფილმი, რომელიც მაყურებელს თავად ავტორებმა წარუდგინეს.

„ანიმაციის განვითარების ფონდი“-ს ორგანიზებით და დმანისის მუნიციპალიტეტის თვითმმართველობის მხარდაჭერით დღეს დაიწყო ანიმაციური ფილმების მე-10 საერთაშორისო ფესტივალი „თოფუზი“. 
ფესტივალი გასართობ-შემეცნებითი ხასიათისაა და მუნიციპალიტეტში მოიცავს ორ დღეს: 21-22 მაისს. გამარჯვებული საჩუქრად მიიღებს ანიმაციური ფილმების DVD დისკებს. ფესტივალის დასასრულისთვის ნაჩვენები იქნება ვორქშოპზე შექმნილი 1 წუთიანი ანიმაციური ფილმი, რომელსაც მაყურებელს თავად ავტორები წარუდგენენ.

საქართველოს დამოუკიდებლობის დღისადმი მიძღვნილი კვირეულის ფარგლებში დღეს დმანისის ააიპ დმანისის ,,კულტურისა და ხელოვნების ცენტრის“ ფოიეში კლასიკური მუსიკის თანხლებით მოეწყო ბავშვთა ხატვისა და ხალხური რეწვის სტუდიების ნამუშევრების გამოფენა.
გამოფენაზე წარმოდგენილი იყო როგორც ძველი, ასევე საქართველოს დამოუკიდებლობის 100 წლისთავისადმი მიძღვნილი ფერწერული, ხეზე ნაკვეთი და თექაზე შესრულებული ნამუშევრები. გამოფენა 22 მაისის ჩათვლით გაგრძელდება.

ააიპ დმანისის კულტურისა და ხელოვნების ცენტრის ფოიეში კლასიკური მუსიკის თანხლებით მოეწყო ხატვის და ხალხური რეწვის სტუდიების ბავშვთა ნამუშევრების და ეთნოგრაფიული მასალის, თემატური წიგნებისა და ფოტო გამოფენები. გაჟღერდა საქართველოს ჰიმნი.
თეატრალური სტუდია ბერიკების მიერ შესრულდა საქართველოს დამოუკლიდებელი რესპუბლიკის სახელმწიფო ჰიმნი ,,ჩემი ხატია სამშობლო“.

დმანისის მუნიციპალიტეტში სასოფლო-სამეურნეო დანიშნულების მიწებზე - კატეგორია: 
სახნავი,სათიბი, საძოვარი გამოცხადებულია აუქციონი ‼️
დეტალები იხილეთ ბმულზე www.eauction.ge

კონფერენციაზე ასევე მოხდა ადგილობრივ თვითმმართველობებში გენდერული თანასწორობის საკითხებზე მომუშავე ორგანიზაციების წარდგენა.
დღევანდელ ფორუმს მუნიციპალიტეტების ხელმძღვანელ პირებთან ერთად გენდერული თანასწორობის საბჭოების თავმჯდომარეები და მერიებში გენდერული თანასწორობის საკითხებში პასუხისმგებელი პირები ესწრებოდნენ.