სიახლეების გამოწერა

მიმდინარე წლის 31 იანვარს ა(აიპ) დმანისის საგანმანათლებლო ცენტრის ახალგაზრდული ცენტრის ინიციატივით დმანისის მუნიციპალიტეტის სკოლებისათვის ჩატარდა ინტელექტუალური თამაში რა? სად? როდის?.მ ონაწილეობა მიიღო 10 საჯარო სკოლამ. გამარჯვება მოიპოვა განთიადის საჯარო სკოლის გუნდმა. ყველა გუნდის გამორჩეულ მოთამაშებს სიგელები გადაეცათ. გამარჯვებულმა გუნდმა სიგელებთან ერთად თასიც მიიღო. ღონისძიების დასასრულს დასახელდნენ მუნიციპალური ინტელექტუალური გუნდის წევრები. ისინი სამომავლოდ გეგმავენ გაეჯიბრონ მეზობელი მუნიციპალიტეტის გუნდებს.

დმანისში სახალხო დღესასწაული ,,ლამპრობა" აღნიშნეს.
ლამპრობის ღამეს თითოეულ სვანურ ოჯახში იმდენი ლამპარი ინთება, რამდენი მამაკაციცაა. ანთებული ლამპრები სახლიდან წმინდა ადგილზე, ძირითადად, ტაძრების ეზოებში გააქვთ, სადაც ერთი დიდი კოცონი ინთება.
დმანისელ სვანებს ,,ლამპრობის" დღესასწაული დმანისის მუნიციპალიტეტის მერმა გიორგი ტატუაშვილმა და დევნილთა და განსახლების მინისტრმა სოზარ სუბარმა მიულოცა.

19 იანვარს, დმანისის თეატრის დაარსების დღეს, დმანისის მუნიციპალიტეტის მერმა გიორგი ტატუაშვილმა და ზინაიდა კვერენჩხილაძის სახელობის დმანისის პროფესიული სახელმწიფო დრამატული თეატრის სამხატვრო ხელმძღვანელმა ლაშა ჩხვიმიანმა სოფელ განთიადში, იქ სადაც თეატრის პირველი სპექტაკლები იმართებოდა, დმანისის თეატრის დამაარსებელთა სახელის უჯვდავსაყოფად მემორიალური დაფა გახსნა.

ამავე დღეს ქალაქ დმანისის ა(აიპ) კულტურისა და ხელოვნების ცენტრის დარბაზში გაიმართა დმანისის თეატრის პირველი სპექტაკლის ვიდეო-ჩვენება. დამსწრე საზოგადოება 28 წლის წინ გადაღებულ უნიკალურ კადრებს პირველად გაეცნო.

ქალაქ დმანისის მესამე საჯარო სკოლის პედაგოგის ლამარა ცინდელიანის ინიციატივით, აღნიშნული სკოლის მეორე კლასის მოსწავლეები ნათლისღების დღესასწაულზე საზეიმო წირვის შემდეგ დმანისის ა(აიპ) ,,სათნოების სახლის" ბენეფიციარებს ესტუმრნენ.
შეხვედრის მიზანი იყო საქველმოქმედო აქცია სახელწოდებით: ,,ადამიანი ადამიანის წამალია".
პატარებმა როგორც გასულ წელს, ასევე წელსაც ტრადიციულად მიულოცეს ხანდაზმულებს ნათლისღების ბრწყინვალე დღესასწაული, გაახალისეს სიმღერებით, გადასცეს სიმბოლური საჩუქრები და ტკბილეული.
პედაგოგის ლამარა ცინდელიანის განმარტებით - ,,აქციის მიზანია ის, რომ ბავშვები მიეჩვივნენ ქველმოქმედებას''.

მიმდინარე წლის 14 იანვარს ა(აიპ) ,,დმანისის კულტურისა და ხელოვნების ცენტრის” საესტრადო სტუდია „მიქსი“ მაყურებლის წინაშე ცნობილი ქართული და უცხოური ჰიტებით წარსდგა და ერთი ლამაზი საღამო აჩუქა მათ.

ლამაზად მორთულ სცენაზე ერთმანეთს ენაცვლებოდნენ სხვადასხვა ასაკის შემსრულებლები, რომლებმაც ჟანრობრივი მრავალფეროვნებით მოიწონეს თავი. კონცერტში სტუდიის აღსაზრდელებთან ერთად მონაწილეობა მიიღო სტუდიის ხელმძღვანელმა მარიამ ქოჩორაძემ. 
საღამოს სიურპრიზების გარეშე არ ჩაუვლია. ახალი დუეტის პრემიერა შედგა, რამაც დარბაზის დიდი მოწონება დაიმსახურა

საქართველოს სახელმწიფო დროშის დღესთან დაკავშირებით, პარლამენტში საზეიმო მიღება გაიმართა, რომელსაც დმანისის მუნიციპალიტეტის მერი მერი - გიორგი ტატუაშვილი ესწრებოდა.

“საქართველოს დროშა ერთ-ერთი უძველესი დროშაა მთელს მსოფლიოში და წარმოადგენს არა ერთი სახელმწიფო წყობილების, ერთი ხელისუფლების ან ერთი პარტიის თუ პოლიტიკური ჯგუფის სიმბოლოს, არამედ, გამოხატავს მთლიანად ჩვენი სახელმწიფოს და საზოგადოების ისტორიულ გზას, იმ ღირებულებებს, რომლებსაც საუკუნეების განმავლობაში ეფუძნებოდა ჩვენი საზოგადოება და რაც აერთიანებდა მას საერთო ევროპულ ოჯახთან. ამ დროშას იცნობდნენ და იცნობენ მსოფლიოში და ღირს პატივს მიაგებენ მას”, - ამის შესახებ საქართველოს პარლამენტის თავმჯდომარემ, ირაკლი კობახიძემ საქართველოს სახელმწიფო დროშის დღესთან დაკავშირებით გამართულ საზეიმო მიღებაზე განაცხადა. 

არასამთავრობო ორგანიზაცია „დმანისელები“- ს ორგანიზებით 13 იანვარს ა(აიპ)კულტურისა და ხელოვნების ცენტრის საკონცერტო დარბაზში დმანისელი მაია კავლელაშვილის დასახმარებლად საქველმოქმედო კონცერტი გაიმართა.

არასამთავრობო ორგანიზაცია „დმანისელებმა“ მხარდაჭერისთვის მადლობა გადაუხადეს ადგილობრივი ხელისუფლების წარმომადგენლებს და დამსწრე საზოგადოებას.

11 იანვარს დმანისის მუნიციპალიტეტის მერიის საკონფერენციო დარმაზში ,,ქვემო ქართლის რეგიონული განვითარების სააგენტოს’’ ორგანიზებით და დმანისის მუნიციპალიტეტის მერიის მხარდაჭერით, ადგილობრივ ფერმერებთან და მეწარმეებთან შეხვედრა გაიმართა.. შეხვედრა კომპანია "Ecotox"-ის და ,,GREENTOX’’-ის წარმომადგენლებმა გამართეს. 
შეხვედრაზე კომპანიის წარმომადგენლებმა ფერმერებს გააცნეს მათ მიერ წარმოებული პროდუქცია. კომპანია კომბინირებულ საკვებს აწარმოებს, რომელიც მეფრინველეობის, მეცხოველეობის და მეთევზეობის სექტორზეა გათვლილი. როგორც კომპანიის წარმომადგენლები აცხადებენ, მათ მიერ შეთავაზებული პროდუქცია საქართველოში სხვადასხვა მსხვილმა საწარმოებმა უკვე გამოიყენეს და დადებითი შედეგი სახეზეა. მათივე თქმით, შემოტანილი პროდუქცია არის ბუნებრივი, ძლიერი აბსორბენტი, 

სსიპ ვეტერანების საქმეთა სახელმწიფო სამსახურის ქვემო ქართლის სამმართველოს თანამშრომლებმა მოინახულეს სოციალურად დაუცველი ომის ვეტერანების: დავით ოგნაძის და გიორგი ჩხვიმიანის ოჯახები, მიულოცეს შობა-ახალი წელი და სასაჩუქრე-სასურსათო პაკეტები გადასცეს.

31 დეკემბერს დმანისის მუნიციპალიტეტში ა(აიპ) კულტურის და ხელოვნების ცენტრის ანსამბლებისა და სტუდიების მონაწილეობით გაიმართა საახალწლო კონცერტი.

დმანისელებს დამდეგი 2018 წელი სცენიდან მიულოცა დმანისის მუნიციპალიტეტის მერმა გიორგი ტატუაშვილმა და მამა გიორგიმ.
ლამაზად მორთულ სცენაზე ერთმანეთს ენაცვლებოდნენ ცეკვისა და სიმღერის სტუდიების წარმომადგენლები. 
საახალწლოდ შეკერილმა ტანისამოსმა მაყურებლის მოწონება დაიმსახურა. ღონისძიების დასასრულს კონცერტზე დამსწრე საზოგადოებას დახვდა ულამაზესი ფეიერვერკი, როგორც სცენაზე ასევე ღია ციშქვეშ.

ძვირფასო დმანისელებო,

გილოცავთ დამდეგ შობა-ახალ წელს, გისურვებთ ბედნიერებას, სიხარულს, ბარაქას, სითბოს და სიყვარულს!
ყოველი ადამიანი განსაკუთრებული მოლოდინით ხვდება ახალ წელს. მოლოდინით ცვლილებებისა უკეთესობისკენ, მოლოდინით, რომ დადგა სურვილების ასრულების და მიზნების განხორციელების დრო.
შობა და ახალი წელი - ეს ის დღეებია, როდესაც ყველა ივიწყებს დროებით დარდს, ტკივილს და თბილი გულით ხვდება ახალს. ახალი წელი ხომ ძველის დავიწყების და ახლის შემობრძანების სიმბოლოა.

უფალმა დაგლოცოთ და გაგაძლიეროთ!

კეთილი სურვილებით, სიყვარულით და პატივისცემით,

გიორგი ტატუაშვილი

დმანისის მუნიციპალიტეტის მერი

დღესასწაული, რომელიც პატარებს განსაკუთრებულად ახალისებს ახალი წელია. ორი კვირის განმავლობაში საახალწლო განწყობა იყო დმანისის ყველა საბავშვო ბაღში. აღსაზრდელებმა ახალი წლის ზეიმზე ლექსები, სიმღერები წარმოადგინეს და სხვადასხვა ზღაპრის გმირები განასახიერეს.

ყველა აღსაზრდელს თოვლის ბაბუამ საჩუქრები გადასცა. დღეიდან დმანისის ყველა საბავშვო ბაღში საშობაო არდადაგები დაიწყო, რომელიც 2018 წლის 15 აინვრამდე გაგრძელდება.

ა(აიპ) დმანისის სამუსიკო სკოლის სოფელ ვარდისუბნის ფილიალის საკონცერტო დარბაზში კონცერტი გაიმართა. ფილიალის აღსაზრდელები მრავალფეროვნი პროგრამით წარსდგნენ მაყურებლის წინაშე. კონცერტს ესწრებოდნენ დმანისის მუნიციპალიტეტის მერიის და საკრებულოს წარმომადგენლები. მონაწილე ბავშვებს, მშობლებს, პედაგოგებს წარმატება უსურვა და დამდეგი შობა-ახალი წელი მიულოცა განათლების, კულტურის, სპორტისა და ახალგაზრდობის საქმეთა სამსახურის უფროსმა ეკატერინე ოქრიაშვილმა.

დმანისის N1 საბავშვო ბაღში წინასაახალწლო ზეიმი ჩატარდა. ლამაზად მორთულ დარბაზში ერთმანეთს ცვლიდა სხვადასხვა მუსიკალური ნომერი, ცეკვა, ლექსები, მინიატურული სცენები, ზღაპირის გმირები. პატარებმა ჩვეული სიკეკლუცით აუდიტორიის მოწონება დაიმსახურეს და თოვლის ბაბუასაგან საჩუქრებიც მიიღეს. 

დამდეგი შობა-ახალი წელი პატარებს, პედაგოგებსა და დამსწრე საზოგადოებას მუნიციპალიტეტის ხელმძღვანელმა პირებმა მიულოცეს. 
საახალწლო ღონისძიებები მუნიციპალიტეტის ყველა ბაღების სტრუქტურულ ერთეულებში გაიმართება.

შეზღუდული შესაძლებლობის მქონე პირთა გადაწყვეტილების მიღების პროცესში ჩართულობის მნიშვნელობა, არსებული დაბრკოლებები, შესაძლებლობები და გამოწვევები - ამ თემების შესახებ იმსჯელეს დღეს ქვემო ქართლში სახელმწიფო რწმუნებულის-გუბერნატორის ადმინისტრაციაში გამართულ ტრენინგზე. 

შეხვედრას მხარის გუბერნატორის მოადგილე კახა კობერიძე მუნიციპალიტეტების წარმომადგენლებთან ერთად დაესწრო.

ადგილობრივი ხელისუფლებისა და არასამთავრობო სექტორის წევრებმა განსაკუთრებული საჭიროების მქონე პირთა საჭიროებებზე და საზოგადოებაში მათი ინტეგრაციის ხელშემწყობ ფაქტორებზე ისაუბრეს. 

სულ რამდენიმე დღე და ახალი წელი შემობრძანდება.
წელს განსაკუთრებულად ლამაზია ჩვენი მუნიციპალიტეტის ქუჩები და სკვერები, რომლებიც საახალწლოდ სხვადასხვა დეკორაციული სანათებითა და ილუმინაციებით მოირთო. 
მერიამ შეიძინა ახალი ნაძვის ხე, რომლის სიმაღლე 10 მეტრია.
ა(აიპ) კულტურის და ხელოვნების ცენტრში 31 დეკემბერს ღამის 12 საათზე ღონისძიებას დაასრულებს ,,ფეიერვერკი“ როგორც სცენაზე, ასევე ღია ცის ქვეშ.
დმანისის მუნიციპალიტეტის პირველ პირთებთან ერთად ახალი წლის მოსალოცად მოწვეული არიან სასულიერო პირებიც. 
გელოდებით ყველას ! 
ერთად შევხვდეთ ახალ 2018 წელს!

ფეხბურთში ქვემო ქართლის ჩემპიონატის ფინალური ეტაპის მონაწილე მეორე საპრიზო ადგილზე გასულ დმანისის მუნიციპალიტეტის ჭაბუკთა ფეხბურთის გუნდს და მათ მწვრთნელებს საწვრთნელ მოედანზე წარმატება მიულოცა მუნიციპალიტეტის მერის მოადგილემ არიფ სულეიმანოვმა და უსურვა სპორტული წარმატებები.